Вести › Набрзинка

Кина го смени исчезнатиот министер за надворешни работи

25 јули 2023

Некои си 7 месеци откако беше избран за прв дипломат на Кина, Чин Ганг е сменет од својата позиција откако подолго време не е виден во јавност.
На местото на Ганг ќе дојде првиот човек за надворешни работи на Кинеската комунистичка партија и претходник на Ганг на министерската позиција, Ванг Ји.
За смената се дозна од извештајот на државната новинска агенција, која соопшти дека Ганг е отстранет на позицијата и на негово место доаѓа Ји. За сега не е објавена причината за отпуштањето на Ганг.
57-годишниот Ганг не е виден во јавност од 25 јуни. Неговото отсуство на самитот на АСЕАН, каде исто беше заменет од Ји, беше објаснето со „здравствени проблеми“.

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.