Вести › Набрзинка

Казна од 942 милиони долари за Мета поради загрозување на здравјето на децата

7 август 2026

Судија во Њу Мексико ѝ наложи на компанијата Мета да плати 942 милиони долари, затоа што изложила деца на штетни искуства на своите платформи Фејсбук и Инстаграм.
Сумата вклучува казна од 375 милиони долари и уште 567 милиони долари наменети за фонд за санирање на штетата, вклучувајќи 420 милиони за лекување на деца.
Согласно судската одлука, Мета мора да ја зајакне проверката на возраста во Ново Мексико, да го ограничи пристапот на малолетните корисници на вкупно 90 часа месечно на Фејсбук и Инстаграм, да ги исклучи повеќето push известувања преку ноќ и за време на наставата во училиште и да го скрие бројот на „лајкови“, освен ако родител или старател не дозволи да бидат прикажани.
Досега највисоката парична казна за Мета во врска со безбедноста на децата е 1,57% од профитот на Мета од околу 60 милијарди долари во 2025 година. Сепак, се однесува само на една сојузна држава во САД и се толкува како сигнал дека судовите посериозно ќе ги третираат штетните последиците од социјалните мрежи врз децата.

извор

Замина големата Доли Партон

26 август 2026

На 80 годишна возраст, од рак почина легендарната американска кантри пејачка Доли Партон.
Само четири дена претхопно зборуваше за своите здравствени проблеми и опоравувањето од смртта на нејзиниот сопруг кој почина лани, но најави дека нема да се повлече.
По наредба на Трамп, една недела американските знамиња ќе бидат спуштени на половина копје.

Види и:

Нека се знае и ова за Доли Партон

извор

Тендер на „Бардовци“ заврши во фирма на братучедот на директорот

25 август 2026

Фирма чиј вистински сопственик е братучед на директорот на психијатриската болница „Бардовци“, доби тендер токму во оваа болница да ги одржува софтверските системи и да обезбеди обновени лиценци за мејл-сандачиња.
Станува збор за фирмата „Индиго инц“ ДООЕЛ Скопје чиј вистински сопственик е Бесим Абдулаи, братучед на директорот на психијатриската болница „Бардовци“ Иса Авдулаи.
Според договорот, потенцијалната и највисока сума што може да се потроши за една година е 42 илјади евра, пишува Мирослава Симоновска во СП.
За разлика од другите договори што ги склучува болницата за други набавки, во конкретниот случај директорот Иса Авдулаи не фигурира како потписник на истиот, туку потписничка во име на болницата е Елисе Салахи, која во 2022 година била избрана на јавен оглас на позицијата „помлад соработник за јавни набавки“

извор