- Секој народ има своја мајчинска мелодија. Ако човекот не знае од каде потекнува, од кај му е родот, тогаш, на која мелодија ќе заигра и ќе затрепери, ете на чија мајка е пород.
- Станува збор за бокс сет со три ЦД-а на македонски бнаопрдиони пшесни, по избор на почитуваниот Зулфи Назифовски.
- Преку гласовите на Борис Ангеловски, Никола Бадев и Гого Зафировски сфаќаме дека Македонецот на свој начин се раѓа, се жени, страда и умира; преку бисерните грла на Анка Гиева, Мирвет Беловска, Вања Лазарова и Васка Илиева се потестуваме дека нашето пеење, нашето оро и игра, нашиот танец и чекор се изворни и оригинални; преку милозвучноста на Александар Сариевски, Кирил Манчевски и Добри Ставревски не забораваме дека ние по нашински и осиромашуваме, ама и се збогатуваме, даваме милостиња, ама и гости сакаме; преку незаборавените Караѓуле, Јонче Христовски и Мајовци сфаќаме дека ние сме поинакви и во херојството, правдата и правичноста, во карактерот и дисциплината... Не се заборавени ни Костадинка Палазова, Марика Георгиева, Ацо Андонов, сестрите Исјановски, брачниот пар Селимова-Желчески...
- По голем притисок од јавноста, британските лабуристички власти се откажаа од воведувањето задолжителна дигитална лична карта, со цел за да се засили евиденцијата на работниците и да се воспостави контрола врз нелегалната миграција.
- Премиерот Кир Стармер во септември вети дека мигрантите нема да можат да работат во Обединетото Кралство ако немаат дигитална лична карта. Иницијативата беше најавена за 2029 година, но беше критикувана како инструмент што може да го засили надзорот врз сите Британци и да им ја загрози приватноста.
- Анкети покажуваат дека за 49% се намалила поддршката за задолжително воведување дигитални документи. Онлајн петицијата со која се повикува Владата да не ја воведува шемата собра речиси три милиони потписи.
- Со новите измени останува одредбата за задолжителна проверка на мигрантите што бараат работа, но ни тие, како и било кои други во Британија, нема да бидат обврзани да вадат дигитален документ за идентификација.
- Воведувањето дигитални лични карти е загрозено и од финансиски причини. Реформата е проценета на 1,8 милијарди фунти. Министерката Рејчел Ривс одби да издвои посебни средства, па на министерствата им е наредено да издвојат пари од своите буџети.
- Бил и Хилари Клинтон Хилари може да бидат уапсени откако одбија да сведочат пред Конгресот за истрагата за Џефри Епстин.
- Поранешниот претседател и неговата сопруга уште во август добија покана да дадат искази пред Надзорниот комитет на Претставничкиот дом за нивните врски со озлогласениот финансиер и педофил Епстин. Тие одбиваат, тврдејќи дека се жртви на политичка одмазда.
- „Секој разумен во Конгресот и надвор од него гледа дека ова е обид да ги казните оние што ги гледате како ваши непријатели и да ги заштитите оние за кои мислите дека се ваши пријатели“, забележаа Клинтонови во писмо до Џејмс Комер, републиканскиот претседател на Комитетот.
- Комер претходно изјави дека ако Клинтонови не се појават, тој ќе покрене постапка за непочитување на Конгресот. Тоа значи дека Бил и Хилари би можеле да се соочат со кривична истрага и затворска казна.
- Истрагата почна пред да биде потпишан Законот за транспарентност на досиејата на Епстин, кој му наложи на Министерството за правда да ги објави сите документи. Досега се објавени над 100.000, вклучувајќи многу фотографии од Бил Клинтон – во џакузи со жена или во базен со Гислен Максвел, што само по себе не е доказ дека бил вклучен во синџирот за проституција на Епстин.
