Вести › Набрзинка

Израел се смирува со австриската партија основана од поранешни нацисти

18 септември 2026

Израелскиот министер за надворешни работи Гидеон Сар изјави дека Ерусалим се залага за воспоставување врски со Австриската партија на слободата (FPÖ), која е основана од поранешни нацисти, но во изминативе години сè повеќе зазема цврст произраелски став.
Сар го поздрави говорот на лидерот на FPÖ, Херберт Кикл, кој ја поддржа десничарската агенда на израелската влада. Партијата го осуди терористичкиот напад на Хамас од 2023 година, ја усвои дефиницијата со која критикувањето на Израел се изедначува со антисемитизам и ја призна „историската поврзаност на еврејскиот народ со Јудеја и Самарија“ (библиското име за Западниот Брег).
Еврејската заедница во Австрија ја отфрла FPÖ поради политичките корени на партијата. Нејзиниот прв лидер, Антон Рајнталер, беше поранешен нацистички функционер и офицер во единиците СС.
Во 2000 година, кога партијата првпат влезе во австриската влада, Израел во знак на протест го повлече својот амбасадор и го намали нивото на дипломатските односи.

извор

Родителите на судијата Ристов со земјоделие и плетење го полнеле ѕидот

8 октомври 2026

„Нема шанса“, одговори Здравко Ристов, татко на судијата Ѓоко Ристов, откако обвинителката го соочи со резултатите од вештачењето, според кои на пронајдените пари не биле пронајдени биолошки траги од него или од неговата сопруга.
Постариот Ристов тврди дека парите пронајдени во семејната куќа во Неготино се негова и заштеда на сопругата, создадена со повеќедецениска земјоделска работа.
Мајката на судијата, пак, рекла дека мажот печалел пари но и таа плетела, и до два-три часот по полноќ.
Обвинителката Искра Хаџи Василева изјави дека сведочењата на неговите родители не се поткрепени со останатите материјални и други обезбедени докази.
„Маргината на веродостојност и емоции е јасна – станува збор за родители и дете“, рекла таа.
Одбраната на апелациониот судија за сведок го повика и кримтехничарот кој вршел увид и според неговото сведочење, не бил доследно спроведуван протоколот за вакви случаи, што одбраната ќе го искористи за да го убеди судот дека билошките докази од лице место се компромитирани.

извор

Инклузивноста им го украде Божиќ на деца во Шкотска

8 октомври 2026

Основно училиште во Шкотска ги преименува традиционалните божиќни честитки што ги изработуваат децата во „зимски честитки“, согласно национална иницијатива за инклузивност.
На децата им се остава можност да ги нарекуваат честитките „божиќни“ само по сопствена желба, иако тоа не е официјалното име.
Во идеолошката насока до наставниците од училиштето „Кејмхил“ во Абердин се истакнува дека на овој начин се изразува „вреднување и почит кон различните култури, верувања и традиции“.
„Божиќ не е забранет збор. Родителите и наставниците треба да се погрижат да не биде истиснат од секојдневниот училишен живот. Ваквите одлуки многу повеќе поттикнуваат поделби отколку што ги обединуваат луѓето“, забележа Анџела Рос, пратеничка во шкотскиот парламент.

извор