- Либанските здравствени власти соопштија дека најмалку осум лица се убиени а 59 повредени во израелскиот напад на Бејрут.
- Либанскиот премиер Наџиб Микати рече дека нападот покажува дека Израел не ферма никакви хуманитарни, правни или морални правила
- Израел соопшти дека мета на нападот бил водачот на операциите на Хезболах, Ибрахим Акил.
- Ројтерс јави дека Акил е убиен, со него настрадале и други од врвот на Хезболах, поточно од елитната единица Радван со кои имал состанок. Тоа значи дека раководството на Хезболах во моментов е обезглавено.
- Пред да биде нападнат Бејрут, Хезболах од либанска територија истрелал 140 ракети врз Израел.
- Киев и Москва меѓусебно се обвинуваат за прекршување на еднодневното Велигденско примирје, кое го објави рускиот претседател Путин, а го поддржа Зеленски.
- Путин вчера објави дека руските сили ќе ги прекинат сите воени активности на фронтот до вечер на полноќ.
- Зеленски изјави дека Русите го прекршиле примирјето со 26 напади до денеска на пладне.
- Руското Министерство за одбрана возврати дека украинските сили отвориле оган врз руски позиции 444 пати и извршиле повеќе од 900 акции со дронови.
- Американскиот државен секретар Марко Рубио во петокот се закани дека САД ќе се повлечат од посредувањето за крај на војната ако за неколку дена не видат јасни мировни напори од двете земји.
- Астронаутот Дон Петит на својот 70-ти роденден безбедно се врати на Земјата, по 220-дневна мисија на Меѓународната вселенска станица.
- Со руското летало „сојуз м-26“ во Казахстан се вратија и космонаутите Алексеј Овчинин и Иван Вагнер.
- Петит е еден од највозрасните астронаути што престојувал во вселената. Најстариот сè уште е Џон Глен, кој беше во мисија на НАСА на возраст од 77 години.
- Петит во својата мисија 3.520 пати ја обиколил Земјата. Тој на орбиталната станица спроведувал истражувања за тридимензионално печатење, напредни санитарни технологии, развој на растенија со различен пристап до вода и за однесувањето на оган во микрогравитација.
