Вести › Набрзинка

Израел фатен на спиење, голем пропуст на разузнавачките служби

8 октомври 2023

Ненадејниот напад на Хамас врз Израел е колосален неуспех на израелските разузнавачки служби, изјави експертот за безбедност на Би-би-си, Френк Гарднер.
Израел има најраспространета и најсофистицирана разузнавачка мрежа на Блискиот Исток.Има информатори инфилтрирани во милитантни групи не само на палестинските територии, туку и во Либан, Сирија и на други места.
Некогаш ликвидираа водачи на милитантите со прецизни напади од беспилотни летала или дури и со мобилни телефони со експлозив. Овојпат Хамас успеа да смисли и изведе огромна воена операција без да запали ни едно црвено ламбиче во Мосад и другите агенции.
Биби Нетенјаху рече дека Израел е во војна и порача дека непријателот ќе добие казна каква што досега не видел. И почна да рамни со земја:

На некои им е сомнителна целата ситуација:
„Служев 25 години во разузнавањето на израелската одбрана. По мене, нема никакви шанси Израел да не знаел што се подготвува. Нешто е многу погрешно во сето ова.“

Нема крај на страдањата во овој проблематичен дел од планетата. Првенствено затоа што ситуацијата е натопена со долгогодишна омраза:

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.