Вести › Набрзинка

Италијанците од кои ќе купуваме хеликоптери биле вклучени во корупција на влади

24 јануари 2024

Има се, може се – ќе купиме 8 италијански хеликоптери Агуста, иронизира Плусинфо информирајќи дека Армијата годинава ќе поарчи 327 милиони евра и ќе го натфрли прагот од 2%.
Министерката за одбрана Славјанка Петровска информираше дека како најсооветна понуда за хеликоптерите била оценета италијанската.
Во најмалку два наврата, производителот на овие хеликоптери е поврзан со корупција на влади, еднаш во Белгија, другпат во Индија.
Агуста беше инволвиран во корупциски скандал во Белгија, кога беше откриено дека компанијата им платила на две белгиски социјалистички партии кои тогаш (1988/1989) беа во владата, да ѝ помогнат на компанијата да го добие договорот за борбени хеликоптери за белгиската армија.
На 12 февруари 2013 година, под обвинение за корупција беше уапсен главниот извршен директор, Џузепе Орси, за кого обвинителството нудеше докази дека плаќал мито за да обезбеди продажба на 12 хеликоптери на индиската влада.

извор

Иран? Не се знае

11 јануари 2026

Иранците се наоѓаат меѓу две опции: да бидат охрабрени од заканите на Трамп кон официјален Техеран дека ќе интервенира тргне со масовна пресметка со демонстрантите или да бидат обесхрабрени од заканите на главниот обвинител дека учесниците во протестите ќе се сметаат за „непријатели на бога“, дело што повлекува смртна казна.

Оние првите протестираат веќе две недели, западни извори тврдат сè помасовно. Растат и насилствата. Се јавува за преку 160 мртви, беа запалени објекти и по некоја џамија во Техеран и другите поголеми градови.
Реза Пахлави од безбедна далечина од предградие на Вашингтон побара демонстрантите да ги заземат градските центри а тој се подготвувал за враќање во земјата.
Екс оперативец на ЦИА за Иран тврди дека ајатолахот има најмногу недела-две додека теократсккот режим се сруши.
Техеран го исклучи интернетот толку прецизно и систематски што ни сателитскиот Старлинк на Илон Маск засега не помага.
Најбитното на крај: Урсула фон дер Лајен на демонстрантите им порача дека „ЕУ стои со нив“.

извор

Франција го одложила Г7 за да не му го расипе роденденот на Трамп

10 јануари 2026

Првично закажан за 14 и 15 јуни, самитот на Г7 во Франција е одложен бидејќи американскиот претседател во тој период организира ММА борби за својот 80-ти роденден.
Тепачките ќе бидат организирани на 14 јуни во Белата куќа која очекува околу 5.000 гости.
Паралелно, се споменува и воена парада со 150 оклопни возила, 50 авиони, тенкови Абрамс и Бредли, со трошоци од 25-50 милиони долари.
Поради овие битности, Г7 ќе состанчат од 15 до 17 јуни во местото Евиан, близу границата со Швајцарија.
Белата куќа ја поздрави одлуката на францускиот претседател кој „љубезно ги промени датумите за да се прилагоди на распоредот на колегата.“
Членките на Групата на седумте се САД, Канада, Франција, Германија, Италија, Јапонија и Велика Британија. Нагалено се викаат „лидери на слободниот свет.“

извор