Вести › Набрзинка

Иранскиот ајатолах нареди да се нападне Израел

1 август 2024

Иранскиот врховен лидер, ајатолахот Али Хамнеи, издаде наредба директно да се удри на Израел, во знак на одмазда за убиството на челникот на Хамас, Исмаил Ханије.
Израел не ни потврди ни отфрли дека стои зад атентатот кој беше изведен во резиденција во Техеран каде политичкиот лидер на Хамас се наоѓаше заради инаугурацијата на новиот ирански претседател Масуд Пезешкиан.
Последниот пат, Иран својата одмазда за претходната израелска провокација ја изведе главно со дронови но операцијата ја калибрираше за да не дојде до поширока регионална ескалација.
Овојпат, меѓутоа, се разгледувала опцијата за координиран напад во кој би учествувале и сојузничките сили од Јемен, Сирија и Ирак, пишува Њујорк Тајмс.

8 јули 2025

Владата прогласи кризна состојба од 30 дена на целата територија на Македонија поради зголемената појава на пожари.
„Ова на терен значи дека се овозможува интегриран пристап и координирано дејствување на сите надлежни институции - Армијата, полицијата, сите противпожарни единици, Центарот за управување со кризи и Дирекцијата за заштита и спасување и локалните самоуправи. Ќе се мобилизираат сите човечки, технички, логистички и други ресурси“, изјави портпаролката Марија Митева.
Владата ќе обезбеди помош за сите засегнати подрачја за да се спречат поголеми последици. Ги повика граѓаните да бидат максимално внимателни и да ги почитуваат сите препораки и забрани.
До 12.30 часот имало 9 активни и еден локализиран пожар на отворено, соопшти Центарот за управување со кризи (ЦУК).