- Иран и Оман ги договориле коридорите низ кои бродовите ќе можат да поминуваат низ Ормускиот проток. Договорот не гарантира безбеден премин низ теснецот сè додека САД ја одржуваат поморската блокада на иранските пристаништа. Сè уште не е одобрен ни од иранскиот врховен лидер Моџтаба Хамнеи.
- Заменик-министерот за надворешни работи на Иран, Казем Гарибабади, изјави дека Техеран не преговара директно со САД, но и дека добил сигнали дека администрацијата на Трамп е подготвена да се „врати на своите обврски“ од Меморандумот за разбирање постигнат во јуни.
- Бродовите ќе влегуваат во Персискиот залив преку иранските води, а ќе излегуваат пловејќи покрај брегот на Оман. Во почетната фаза Иран би испраќал танкери за да се потврди дека коридорот не е миниран, а потоа ќе може да поминуваат сите трговски бродови.
- Аранжманот ќе важи два до четири месеци, додека не се договори трајно решение за контрола на бродовите и наплаќање „такса на доброволна основа“. Иран инсистира на надомест од 5% до 7% од вредноста на товарот, а Оман бара да биде 3%.
- Спроведувањето на планот зависи од повлекувањето на американската блокада за ирански бродови. Трамп деновиве најави дека е „близу до постигнување договор за слободно преминување преку Ормускиот проток“, но е категорично против наплаќање такси за бродовите.
- Комисијата за национална безбедност на Сенатот, која спроведува истрага за Ентони Фаучи, обезбедила копија од телефонот што докторот го користел додека го командуваше одговорот на САД на пандемијата на ковид.
- Комисијата денеска треба да гласа дали ќе биде покрената кривична постапка против поранешниот директор на Националниот институт за алергии и заразни болести поради непочитување на Сенатот затоа што на сослушувањето пред една недела одби да одговара на прашањата. На повеќе од 100 прашања се повикал на правото да молчи според Петтиот амандман.
- Копијата на телефонот ја доставило Министерството за здравство. Анализа на податоците може да обезбеди докази за постапките на Фаучи во однос на здравствените мерки наметнати врз Американците за време на пандемијата и за потеклото на коронавирусот.
- Министерството неодамна до Конгресот достави и копии од дневниците на Фаучи од времето на пандемијата. Сенаторот Ранд Пол, кој е на челото на Комитетот, како и Рон Џонсон, кој го води Поткомитетот за истраги, добиле уште милиони дополнителни документи поврзани со Фаучи од владините сервери и продолжуваат да бараат уште материјали.
- Во меѓувреме, најмалку четири сојузни држави предводени од републиканци започнаа сопствени истраги за Фаучи.
- Саудискиот фонд за јавни инвестиции што за 55 милијарди долари ја купија најпознатата компанија за видео-игри Electronic Arts (EA), креаторот на популарните игри Fifa, The Sims и Mass Effect. Во групата инвеститори е и Affinity Partners на Џаред Кушнер - зетот на претседателот Доналд Трамп.
- EA ќе биде трансформирана во приватна компанија. Инвеститорите ќе ги откупат сите акции од слободно тргување и компанијата повеќе нема да биде присутна на берзата.
- Ова е еден од најголемите откупи на компании со позајмен капитал. Саудискиот фонд вложува 36 милијарди долари, а 20 милијарди за трансакцијата позајми инвестициската банка JPMorgan. Аналитичари од Bloomberg предупредуваат дека отплатата на долгот може да резултира со масовни отпуштања, поагресивна монетизација и други мерки за намалување на трошоците во една од најголемите компании во индустријата за видео-игри.
- EA лани оствари приход од 7,5 милијарди долари. Во октомври за три дена продаде рекордни 7 милиони примероци од играта Battlefield 6, но и покрај тоа отпушти вработени вклучени во развојот на новото издание од серијалот.
