Вести › Набрзинка

Имран Кан, пакистанскиот Миле Јанакиевски

4 февруари 2024

Поранешниот пакистански премиер Имран Кан веќе одлежува тригодишна казна затвор за корупција.
Пред пет дена беше осуден на 10 години затвор за непрописно ракување со државна тајна (депеша на пакистанскиот амбасадор во САД со наводи дека Вашингтон бил соучесник во заверата за смена на Кан).
Само ден потоа доби 14 години затвор за продажба на државни подароци.
Најновата казна е 7 години затвор за него и сопругата затоа што - се венчале пребрзо. Според исламскиот закон, меѓу развод и нов брак треба да минат три месециа а овие наводно се земале порано.
Поплака за бракот меѓу Кан и Бушра Биби (склучен уште во 2018-та) ја поднел бившиот маж на Биби. Тоа му „текнало“ дури откако лани заврши во затвор за случај на подмитување.
Против 71 годишниот Кан постојат уште 150 случаи кои можат да бидат процесирани.

извор

Српска изборна класика: Вучиќ победува, опозицијата не признава

9 јуни 2025

Завршија вонредните локални избори во Заечар и Косјериќ, кои се гледаа како лакмус за расположението на народот после 6 месечните протести и блокади на студентите и граѓаните кои ги поддржуваа.
Повикувајќи се на записниците кои ги имаат потпишано и опозиционите учесници во изборите, Александар Вучиќ соопшти дека неговата Српска напредна странка во Косјериќ победила тесно а во поголемиот Заечар убедливо.
Рече дека изборите минале во услови досега невидени на српската политичка сцена и атмосфера на линч, прогон, малтретирање на граѓаните, закани, уцени, кршење на сите законски норми, кршење на елементарните изборни правила...
Вучиќ е горд и задоволен од резултатите, особено на оние во Заечар кадешто освоиле 3.000 гласови повеќе од минатите избори.
„Невидена кражба,“ соопшти опозицијата и порача дека не ги признава резултатите по што повика на протести пред владата.