Вести › Набрзинка

Им се продолжува мандатот на оние кои го донесоа судството до ова дереџе

30 јуни 2022

Јас верувам дека за неколку месеци и 95 отсто од граѓаните нема да имаа доверба во судството и обвинителството, вели Давитковски за „Фокус“.
Вака универзитетскиот професор ги коментира предлог-измените на Законот за работни односи со кои ќе им се продолжи работниот век на 60 судии и 13 обвинители за дополнителни три години и наместо да заминат во пензија, ќе продолжат да работат.
"Не е битно дали има доволно судии или не, тоа е проблем на државата и на Судскиот совет. Проблемот е принципиелноста. Проблемот е дали оние што не донесоа до ова дереџе треба да останат или не".

извор

Дарко Јаневски: „27 април“ треба да падне за сите

26 декември 2024

Евентуалното паѓање на случајот „организатори нa 27 април“ за Трајко Вељановски, Миле Јанакиески и Спиро Ристовски поради непримена на Законот за амнестија, не ја исправа целата неправда која со себе ја донесе овој случај, затоа што тој треба да падне за сите осудени.
Направено е извртување на тоа што се случуваше во реалноста. Тие кои го загрозија и нарушија уставниот поредок странаа власт во државата, а тие кои реагираа против загрозување на уставниот поредок, се во затвор или се на суд како организатори.
Тоа е криминалот што го направија Кацарска, Рускоска и останатите од обвинителско-судската власт, во случајот со организаторите – судијата Трпков, кои учествуваа во ова.
Треба расчистување со сите тие кои учествуваа во креирањето на процесот и сите тие кои го поддржуваа сето тоа, а знаеја или можеа да знаат дека станува збор за криминален процес. Не може денес ортаци да ви се тие кои се сликаа со Заев по ручеци и кои беа свесни дека делото во овој случај не постои, а гласно или молкум го поддржуваа осудувањето и гонењето на тие луѓе.

извор

Лазар Ристовски излезе од српското Друштво на драмски уметници

25 декември 2024

Познатиот актер и писател го напушти еснафското здружение наведувајќи дека се ставило во служба на едноумието и дека ја загрозува слободата на мислењето.
Вели дека со последните зачестени соопштенија, иако тврди дека е неутрално, Друштвото поддржува само една политичка опција и дека заборава дека има членство од неколку илјади, а не од неколку стотини кои вршат тортура над мнозинството.
„Кога сте застанале во моја одбрана? Никогаш. А бев жестоко прозиван, навредуван и напаѓан, и јас и моето семејство, како од СНС додека ги поддржував демократите, така и сега, уште пожестоко, кога го поддржувам претседателот Вучиќ“.
„Ова што го правите е бес, кој, ако продолжите така агресивно да го негувате, никому нема да донесе добро. Може да доведе само до пролевање братска крв и ништо друго.“

извор