- 14 Македонци и еден Италијанец како и седум фирми од кои 4 македонски и три италијански, се дел од осомничените во истрагата на Обвинителството за гонење организиран криминал и корупција (ОЈО ГОКК) наречена „Феникс“.
- Освен Тодоровиќ, иако не се спомнати по име, според функциите други обвинети се Никола Груевски, Елизабета Канческа-Милевска, Зоран Ставрески, Владимир Здравев и Виолета Аларова.
- Според обвинителството „осомничените си обезбедиле финансиски средства, вкупен износ од 57,6 милиони евра“.
- Обвинителот Љубомир Лапе објаснил дека ако во Македонија за еден споменик биле издвојувани 4,7 милиони евра, осомничените на италијанската фирма која била подизведувач на работата и исплаќале двојно помала сума од 2,3 милиони евра.
- Проблем е и што премиерот и владините министри го терале Скопје 2014 без да постои одлука на Владата за него, а потоа градоначалниците спровеле незаконски јавни набавки за потребите на Скопје 2014.
- Ноќеска Тодоровиќ бил уапсен на скопскиот аеродром.
- Само еден месец по заробувањето на Николас Мадуро од страна на американските специјалци, Венецуела ја испраќа својата прва пратка нафта во Израел после долго време.
- Последен пат Израел доби нафта од Венецуела во средината на 2000 година.
- По заробувањето на Мадуро, Трамп најави дека САД ефикасно ќе ја „управуваат“ државата сè додека не се случи „разумна“ политичка транзиција и изнуди рекетарски договор со Венецуела.
- Многу брзо по десантот на Венецуела, Шеврон, единствената западна компанија на која ѝ е дозволено да вади венецуелска нафта, почна да го прави тоа со рекордно темпо.
- Под притисок од САД, Володимир Зеленски планира во мај да закаже задоцнети претседателски избори паралелно со референдум за мировниот договор што до тогаш се очекува да го постигне со Русија, според извори на Фајненшл тајмс. Од Зеленски се очекува да го објави овој план на 24 февруари, на четвртата годишнина од руската инвазија.
- Вашингтон му се заканил на Киев дека двете гласања мора да се одржат најдоцна до 15 мај. Во спротивно САД ќе ги повлечат понудените безбедносни гаранции. Администрацијата на Доналд Трамп веќе најави дека сака договор за крај на војната најдоцна до јуни, за да може да се посвети целосно на среднорочните избори за Конгресот во ноември.
- Петгодишниот претседателски мандат на Зеленски требаше да заврши во април 2024 година, но тој постојано ја обновуваше воената состојба, која спречува одржување избори. Лани во декември изјави дека е спремен за избори ако може да се гарантира безбедност, но потоа додаде дека изборите се невозможни поради војната, руската окупација и милионите раселени лица.
- За да бидат меѓународно признати резултатите од изборите, мора да учествуваат најмалку една половина од гласачите регистрирани пред војната, изјавиле изворите на Фајненшл тајмс.
- Според најновата анкета од Ипсос, Зеленски заостанува за 3% зад Валериј Залужни - неговиот амбасадор во Британија, поранешен врховен воен командант и потенцијален независен кандидат.
