Груевски, Ставревски, Тодоровиќ, Канческа, Аларова осомничени за кражба на 57,6 милиони евра на Скопје 2014
30 јуни 2023
- 14 Македонци и еден Италијанец како и седум фирми од кои 4 македонски и три италијански, се дел од осомничените во истрагата на Обвинителството за гонење организиран криминал и корупција (ОЈО ГОКК) наречена „Феникс“.
- Освен Тодоровиќ, иако не се спомнати по име, според функциите други обвинети се Никола Груевски, Елизабета Канческа-Милевска, Зоран Ставрески, Владимир Здравев и Виолета Аларова.
- Според обвинителството „осомничените си обезбедиле финансиски средства, вкупен износ од 57,6 милиони евра“.
- Обвинителот Љубомир Лапе објаснил дека ако во Македонија за еден споменик биле издвојувани 4,7 милиони евра, осомничените на италијанската фирма која била подизведувач на работата и исплаќале двојно помала сума од 2,3 милиони евра.
- Проблем е и што премиерот и владините министри го терале Скопје 2014 без да постои одлука на Владата за него, а потоа градоначалниците спровеле незаконски јавни набавки за потребите на Скопје 2014.
- Ноќеска Тодоровиќ бил уапсен на скопскиот аеродром.
