- Грција е станата новиот центар за претоварање руска нафта од брод на брод, која овозможува руските трговци и понатаму лесно да извезуваат и наплаќаат нафта.
- Иако трговијата со руска нафта се уште не е забранета во Унијата, олеснувањето што Грците им го даваат на Русите се однесува на банкарските и финансиски блокади, и начинот на плаќање за истата таа нафта.
- Во април испораките на руска нафта на која крајна дестинација била Грција, најчесто пристаништето Каламата, биле два пати поголеми отколку во март, а за мај се очекува нов рекорд.
- Израелските напади врз јужен Либан убија најмалку седум лица, вклучувајќи две деца, само неколку часа откако се објави дека е постигнат договор за прекин на огнот.
- Ден пред договорот, Израел и Хезболах се маваа јако: загинаа 47 луѓе во Либан и четворица израелски војници.
- Инаку, двете страни рекоа дека ќе го почитуваат договорот.
- Договорот меѓу САД и Иран бара прекин на воените операции во Либан и почитување на неговиот суверенитет но ни Израел ни Хезболах не се потписници на тој договор.
- Истражувачи од израелскиот универзитет Технион успеаја првпат во реално време да регистрираат оптички фазни сингуларитети - точки на тотална темнина во сноп светлина, што се движат побрзо од самата светлина.
- Бидејќи овие точки не носат маса или информации, нивното движење не ја нарушува Ајнштајновата теорија за релативност.
- Користеле напреден електронски микроскоп и материјал (hexagonal boron nitride) за забавување на светлосните бранови (над сто пати побавно отколку во вакуум), забавување кое им дало можност да испитуваат настани кои инаку би биле пребрзи и премали за следење.
