Вести › Набрзинка

Героски: Стрелајте кучиња, вистината за Ваташа нема да умре!

28 март 2023

Сведоци сме на нов обид за негирање и релативизирање на воено злосторство, нов говор на омраза и акт на вознемирување на јавноста, но овој пат не од бугарската, туку од пропагандата која се легитимира како поддржувач на владата на СДСМ. Грозно и тажно!
На бултериерите на таа пропаганда им пречат една песна и едни стихови, им пречи секое потсетувањето на масакрот во Ваташа. Тие се полоши од софиската пропаганда. Софијанците барем ќе почекаат до јуни, кога е времето за кавгите за Ваташа. Нашиве антимакедонци не чекаат, тие веднаш скокаат како попарени.
Не е прв пат кучињата на пробугарската пропаганда да го експлоатираат фактот дека полковникот Апостолов бил од Крива Паланка. Дека бил Македонец. Замислете, сите наши предци биле Бугари, а и ние самите сме „неосознаени“ Бугари, само тој ѕвер во бугарска фашистичка униформа, кој командувал на регуларна единица на бугарската војска која го извршила масакрот, е само тој бил Македонец!? За да се каже дека Македонец убил Македонци, јасно.

извор

Русјаков: Кога системот ја џвака касетата

3 мај 2025

Време е да им се изнамрчам на вмровците што ги гласав. Поточно, на режимот на ДПМНЕ. Така е модерно да се кажува. Кога вмровците се на власт, тогаш тоа е режимот на ДПМНЕ. Овие претходните беа, онака нежничко нарекувани, тендер-коалицијата на СДСМ/ДУИ. Ако некогаш дојдат и Левица на власт, тогаш ќе биде демократија… во нивни редови, оти марксисти, ленинисти, троцкисти, сталинисти, маоисти, енверисти, титоисти и други фракции меѓу кои ќе можеш да си ја избереш вистинската.
Бесмислен ми е оној муабет дека системот мора да се оправи, оти секаде е навлезена корупција. Кога системот ги џвака касетите, не може да се оправи ако ја избришете прашината од стаклената вратичка.
Најпрво мора да се почне од суштината. А тоа е специјалната војна против Македонија, која почна на 27 април 2014 година, а заврши на 27 април 2017, кога беше извршено терористичко загрозување на уставниот поредок преку нелегитимен избор на претседател на Собрание. Плус беше составено неуставно СЈО со цел вршење политички притисок и уцени на политичари за да гласаат промена на име, а во полициско-политички монтиран процес беа осудени невини луѓе на драконски казни за да се внесе страв во коски кај народот од иста причина, промена на име, за на крајот тоа име да се промени преку нацистички договор во кој Македонија е ставена во подредена положба на друга држава.
Да не споменувам дека за сето време во игра беа незаконски набавени прислушувани муабети со кои се тргуваше на пазарот на безумноста.
Сè додека не се процесираат овие случаи, а невините не се ослободат, сите муабети за нефункционалност на системот и негово оправање се бесмислени.

извор

Вучиќ неколку дена на мирување поради висок притисок

3 мај 2025

Српскиот претседател Александар Вучиќ, кој ненадејно ја прекина посетата на САД поради нарушено здравје, веднаш по враќањето во Белград бил на итен преглед во Воено-медицинската академија. Лекарите констатирале дека здравствената состојба сега му е „стабилна и задоволителна“.
„За време на престојот во Америка почувствувал силна болка во градите, за која вели дека траела неколку секунди, иако луѓето во просторијата велат дека траела подолго“, изјави докторот Драган Динчиќ, кардиолог и началник на Управата за воено здравство.
Докторот Динчиќ, кој повеќе од десет години се грижи за здравјето на претседателот, изјави дека Вучиќ три пати досега имал слични тегоби, главно поврзани со претерано висок крвен притисок.
„Претседателот примил дополнителна интензивна терапија и по 45 минути, кога пристинале американски лекари, му измериле притисок од 165/98 милиметри живин столб. Тоа јасно говори дека крвниот притисок му бил многу повисок пред терапијата“, додава Динчиќ.
Докторот вели дека „не е реално да се очекува“ дека претседателот во следните неколку дена може да им се врати на своите редовни активности.
Вучиќ на 9 мај, петок, треба да учествува на парадата во Москва по повод 80-годишнината од Денот на победата над фашизмот.

извор