Вести › Набрзинка

Героски: Стрелајте кучиња, вистината за Ваташа нема да умре!

28 март 2023

Сведоци сме на нов обид за негирање и релативизирање на воено злосторство, нов говор на омраза и акт на вознемирување на јавноста, но овој пат не од бугарската, туку од пропагандата која се легитимира како поддржувач на владата на СДСМ. Грозно и тажно!
На бултериерите на таа пропаганда им пречат една песна и едни стихови, им пречи секое потсетувањето на масакрот во Ваташа. Тие се полоши од софиската пропаганда. Софијанците барем ќе почекаат до јуни, кога е времето за кавгите за Ваташа. Нашиве антимакедонци не чекаат, тие веднаш скокаат како попарени.
Не е прв пат кучињата на пробугарската пропаганда да го експлоатираат фактот дека полковникот Апостолов бил од Крива Паланка. Дека бил Македонец. Замислете, сите наши предци биле Бугари, а и ние самите сме „неосознаени“ Бугари, само тој ѕвер во бугарска фашистичка униформа, кој командувал на регуларна единица на бугарската војска која го извршила масакрот, е само тој бил Македонец!? За да се каже дека Македонец убил Македонци, јасно.

извор

САД го прогласија фентанилот за оружје за масовно уништување

16 декември 2025

Доналд Трамп со претседателска наредба го прогласи фентанилот за оружје за масовно уништување и ги прошири овластувањата на Пентагон и на ДЕА да спроведуваат операции за спречување шверц и производство на оваа дрога.
Фентанилот лани предизвикал најголем број од смртните случаи од предозирање со дрога во САД. Во наредбата се истакнува дека фентанилот е „поблизок до хемиско оружје отколку до наркотик“.
За да го спречат шверцот од Латинска Америка, американските сили во изминатите неколку месеци извршија 22 напади врз бродови на нарко-картели во Карипско Море и Пацификот, при што загинаа најмалку 87 луѓе. Во Карипско Море се префрлени најголемиот носач на авиони, нуклеарни подморници и 14.000 војници.
Администрацијата на Трамп тврди дека венецуелскиот претседател Николас Мадуро е лидер на Cartel de los Soles, која САД во ноември ја прогласија за странска терористичка организација. Се разгледуваат и можни напади врз мексиканските и колумбиските центри за трговија со дрога.
„Ова е директна закана за САД. Ќе почнеме да ги напаѓаме и на копно, што е многу полесно да се направи“, предупреди Трамп.

извор

Трамп бара 10 милијарди долари отштета од ББЦ

16 декември 2025

Американскиот претседател Доналд Трамп поднесе две тужби против ББЦ и побара вкупна отштета од 10 милијарди долари поради злонамерно монтирање на неговиот говор спроти нападот врз Капитолот во Вашингтон во јануари 2021 година. Едната тужба поднесена пред федералниот суд во Флорида се однесува за клевета, а другата за кршење на Законот за измамнички и нефер трговски практики. За секоја бара отштета од најмалку 5 милијарди долари.
Во документарец на програмата Панорама на ББЦ, објавен спроти изборите во 2024 година, говорот на Трамп беше сечен, лепен и монтиран за да се остави впечаток дека тој повикувал на насилен упад врз Капитолот.
ББЦ пред еден месец му се извини на Трамп поради злонамерната монтажа. Оставки поради скандалот поднесоа директорот Тим Дејви и раководителката на вестите Дебора Тарнес.
„Јавниот радиодифузен сервис на Британија е одговорен за лажен, клеветнички, измамнички, омаловажувачки, провокативен и злонамерен приказ на претседателот Трамп. Поради нивната срамна природа, измислените изјави што ги емитуваше ББЦ беа распространети низ разни дигитални медиуми, кои допреа до десетици милиони луѓе ширум светот. Следствено, ББЦ предизвика претседателот Трамп да претрпи огромна финансиска и репутациска штета“, се наведува во тужбите.

извор