- Словенија и Германија на ЕУ ѝ предложиле нон пејпер со кој се предвидува да нема вето и блокирање заради билатерални прашања со соседните земји, ги пренесува Јутарњи српските медиуми.
- Веста дојде откако Хрватска ја блокираше Црна Гора да затвори едно преговарачкото поглавје со ЕУ па таа затвори три наместо четири. Хрватска го оспорила затворањето на подрачјето за надворешна, безбедносна и одбранбена политика.
- Хрватска до сега шест пати ја блокираше Србија. Меѓу другото, и за „присвојување на дубровничката книжевност“
- Нон пејперот на Словенија и Германија предлага фазите во претпристапниот процес да се одобруваат со квалификувано мнозинство наместо со консензус.
- Италијанската влада му даде државјанство на претседателот на Аргентина, Хавиер Милеи, поради неговите италијански семејни корени.
- Тоа предизвика гнев кај опозициските италијански политичари кои го споредија ова со ригидниот третман на државата на децата родени во Италија од родители мигранти.
- Државјанство главно се добива по две основи: или по територија (родени таму, како во САД) или по крвно сродство како повеќето земји во светот.
- За време на претходното патување во Италија во февруари, Милеи во ТВ интервју рече дека се чувствува „75% Италијанец“ бидејќи тројца од неговите баби и дедовци имаат италијанско потекло и дека има „неверојатна страст за италијанската опера“.
- Универзитетската професорка Билјана Ванковска објави дека е разрешена од неплатената позицијата – раководител на Центарот за глобални промени при Филозофскиот факултет, поради конференцијата „Кооперативен мултиполарен систем: Во потрага по нов светски поредок“, што се одржа на почетокот на октомври, оваа година.
- На таа конференција учествуваа еминентни научни имиња од областа на мировните, безбедносните и геополитичките теми, како Јан Оберг од Данска, Веивеи Џанг од Кина, Радика Десаи од Канада, Ричард Саква од Обединетото Кралство…
- Деканот на Филозофскиот факултет, Оливер Бакревски, рекол дека се работи за „некакви чекори и постапки надвор од предвидената процедура“.
- Шокирани од ваквиот потег, поддршка на Ванковска ѝ дадоа професорот по меѓународно право од Принстон, Ричард Фалк, потоа 'кинескиот Фукујама', Веивеи Џанг и други интелектуалци кои учествуваа на светскиот собир во Скопје.
