- Американската национална почна да носи оружје во Вашингтон. Доналд Трамп ја распореди оваа војска месецов како дел од борбата против раширениот криминал во главниот град на САД.
- Ги има 2.200, некои со пиштоли, некои со автоматски пушки кои треба да ги употребат како последно средство и единствено како одговор на непосредна закана од смрт или сериозна телесна повреда.
- Трамп го нарече чинот „Ден на ослободувањето“, тврдејќи дека на градот му е потребен спас од „криминал, крвопролевање, хаос и нечистотија“.
- Последно од него: се закани дека ќе распореди војници и во Балтимор, ескалирајќи го конфликтот со гувернерот на Мериленд, Вес Мур.
*******
- Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.
- Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
- Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.
- Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.
