Вести › Набрзинка

Француска блокада за санкциите од ЕУ за Русија

15 септември 2026

Европската Унија беше принудена да ги продолжи постоечките санкции за Русија за само седум дена, наместо за вообичаените шест месеци, откако Франција и Словачка инсистираа да бидат укинати мерките против руско-узбекистанскиот милијардер Алишер Усманов.
На „црниот список“ на ЕУ за Русија се 3.000 поединци и субјекти. Потребна е согласност од сите 27 земји-членки за продолжување на половина година.
ЕУ уште во 2022 година воведе забрана за визи и му го замрзна имотот на металуршкиот тајкун Усманов поради неговите „особено блиски врски со рускиот претседател Владимир Путин“.
„Сакаме позитивно да одговориме на нашите меѓународни партнери кои ни се обраќаат во врска со Усманов“, изјави неименуван француски дипломат за Euobserver.
За бришење на Усманов од списокот лобираат Азербејџан, Турција и Узбекистан. Реџеп Таип Ердоган го опишува како „филантроп кој промовира отворање на земјите од Централна Азија кон Западот“. Париз, во исто време, бара од Азербејџан да го ослободи францускиот бизнисмен Мартин Рајан, притворен под обвинеие за шпионажа.

извор

500 француски школи се затворени поради протестите

5 октомври 2026

Околу 500 средни училишта во Франција се затворени заради протестите на учениците во нивните лицеи кои минатите денови знаеја да бидат и насилни.
„Безбедносните услови не се исполнети“ гласи официјалната причина за неработењето, особено што за утре се најавени и помасовни протести.
24 училишта биле запалени или ограбени а 78 вработени повредени од почетокот на протестите.
Тинејџерите од француските средни училишта се жалат на чести отсуства од работа од страна на наставниците, предолги училишни денови и дотраени објекти. Тие протестираа и поради недостатокот на соодветно ладење во жешките летни денови.

извор

Владимир Крстевски: Цена? Права ситница!

5 октомври 2026

Во еден од становите на пониските катови живее една мајка со нејзините два сина. Таа е одамна изморена, со длабоки бразди околу очите и раце што ги носат сите белези на десетлетија поминати во грч. Мајка која предолго молчи и премногу простува.
Едниот син, љубимец на одамна починатот татко, е локалниот маалски лик. Фаворизиран, а всушност полуписмен, но неверојатно гласен. Другиот син е негов антипод. Тивок човек, грижлив, трпелив и необично мудар за своето време.
На најгорниот кат, во пространиот, совршено осветлен пентхаус, живее еден Господин. Води ексклузивен, привилегиран социјален клуб за одбрани станари. Сака сите станари од зградата конечно да станат дел од тој клуб, за да се создаде една „елитна заедница“, отпорна на провинцијализам и мирис на евтина кујна.
Господинот е врвен пресметлив манипулатор. Проценувајќи го секој стан одделно, тој прави непогрешлива дијагноза и за ова семејство. Истрајниот, син е премногу горд и проницлив, не подлегнува лесно на уцени, заклучува тој. Затоа, својата стратегија ја насочува кон попречниот, плиток и поткуплив син, зависникот.
Господинот знае дека корисниот идиот е најкорисен кога не е свесен за сопствениот идиотизам па затоа смислено го велича, му подидува и го бодри.

извор