Вести › Набрзинка

Франција го изолира американскиот амбасадор

24 февруари 2026

Француското Министерство за надворешни работи побара да му се забрани пристап до владата на американскиот амбасадор Чарлс Кушнер, поради неговиот коментар за „зголемување на насилството“ во Франција.
Амбасадорот, кој му е татко на Џаред Кушнер - зетот на Доналд Трамп, ја одби поканата синоќа да се сретне со францускиот министер за надворешни работи Жан-Ноел Баро. На средбата испратил свој заменик. Министерството го обвини амбасадорот дека „не ги разбира основните барања на својата мисија“.
Дипломатскиот спор почна поради коментар од Амбасадата за убиството на десничарскиот националист Квентин Деранк. Кушнер оцени дека „насилниот левичарски екстремизам е во пораст“.

Деранк, 23-годишен студент по математика, почина во болница на 14 февруари - два дена откако беше претепан од банда маскирани млади мажи во Лион. За убиството се обвинети шестмина радикални левичарски милитанти, а за соучество член на левичарска партија Непокорна Франција (LFI), но сепак коментарот од САД ја налутил владата.
Лидерот на LFI, Жан-Лук Меланшон, кој е веројатен кандидат на претседателските избори во 2027 година, изјави дека неговата партија „нема никаква врска со убиството“.

1 октомври 2026

Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.

1 октомври 2026

Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
Тоа е зголемување од речиси 2.200 проценти.
Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
Толку е веста. Легни.си.