- Францускиот министер за внатрешни работи Лоран Нуњез наредил засилени контроли на границата со Шпанија, поради стравувањата од прелевање на бранот од илјадници мигранти кои во изминатите неколку дена нелегално се префрлија од Мароко во шпанската територија Сеута.
- Како поддршка на граничната контрола, Франција мобилизирала локални полициски сили и воени единици и е во постојан контакт со шпанските власти за да се следи развојот на ситуацијата. „Мобилна единица е на должност деноноќно“, изјави Нуњез.
- Десничарските лидери Марин ле Пен и Бруно Ретајо го повикаа Париз да до суспендира шенгенскиот систем, да воведе гранични контроли и да овозможи слободно движење само на државјани од членки на ЕУ. И италијанската премиерка Џорџа Мелони претходно побара Шпанија да биде суспендирана од Шенген зоната.
- Мадрид веќе испрати воени единици на Сеута, но ситуацијата во енклавата со 85.000 жители и денес е хаотична. Толпи мигранти напаѓале продавници, а локалните жители излегоа на протестни маршеви.
- Доналд Трамп изјави дека сè уште не одлучил дали ќе ѝ дозволи на Украина да добие лиценца за произведување на американските пресретнувачки ракети „Патриот“, кои се приоритет на Киев за одбрана од руските напади.
- „Тоа е навистина извонредно оружје и... мораме да бидеме малку внимателни на кого му доделуваме лиценца. Ние всушност не доделуваме лиценци за опрема“, изјави Трамп.
- Продажбата на ракети и лиценцата за производство биле главните теми на разговорите на Трамп со украинскиот претседател Володимир Зеленски во вторникот во Белата куќа. По средбата, Зеленски изјави дека Трамп се согласил да ѝ даде лиценци на Украина.
- Трамп вчера изјави дека е фокусиран на крај на војната во Украина и дека во наредните денови ќе ги испрати своите специјални пратеници Џаред Кушнер и Стив Виткоф во прва дипломатска мисија во Киев.
- „Наједноставно кажано, сакаме да заврши војната на Русија во Украина. Не барам ракети. Бараме мир“, изјави Трамп.
- Премиерката Џорџа Мелони побара Шпанија итно да биде суспендирана од Шенген зоната за патување низ ЕУ без визи, откако илјадници мигранти извршија инвазија врз шпанската територија Сеута на брегот на Африка. Ги опиша како „шокантни“ снимките како илјадници луѓе, претежно млади мажи, пливаат до брегот на Сеута и се префрлаат преку границата од Мароко во Шпанија.
- Локалните шпански власти објавија дека во хаосот загинале најмалку 18 мигранти. Според официјални извори, границата нелегално ја преминале над 1.500 луѓе, но репортери од Сеута јавија дека пристигнале најмалку 5.000 мигранти.
- „Сликите од Сеута покажуваат како одлуката на владата на Мадрид да им додели шпанско, а со тоа и европско, државјанство на над 500.000 нерегуларни имигранти е длабоко погрешна и поттикнува трговија со луѓе“, претходно објави шефот на дипломатијата Антонио Тајани.
- Вицепремиерот Матео Салвини повика на привремено суспендирање на целата Шенген зона, во која се 29 европски земји.
- Шпанскиот министер за надворешни работи, Хозе Луис Албарес, го обвини Рим дека ја користи имиграцијата како оружје за политички цели. „Од партнерска и пријателска земја очекуваме европска солидарност, а не партиска демагогија“, порача Албарес.
