Вести › Набрзинка

ЕУ мавта со визи за Србија

14 октомври 2022

Европската унија пали аларм дека преку западнобалканската рута ѝ доаѓаат сè поголем број мигранти и за тоа прашање главноосомничена е Србија.
Белград се обвинува за „злоупотреба на безвижниот режим со ЕУ“ но се наведува и неговиот безвизен режим со места како Индија, Тунис, Бурунди....
Еврокомесарката Илва Јохансон не ја исклучува можноста за воведување визи за Србија.
Фронтекс забележува над 106.000 нерегуларни влезови во ЕУ преку оваа рута во последниве девет месеци, што е зголемување за 170 отсто во споредба со истиот период лани.
Политико се сомнева дека ова се прави намерно за индиректно да се подржи Кремљ кому му одговара раздор во ЕУ на тема мигранти.

извор

САД имаат Пентагон, Египет има Октагон

7 јули 2026

Претседателот Абдел Фатах Ел-Сиси го инаугурира новиот комплекс на Стратешката команда на Египет, познат како „Октагон“, кој по површина е речиси девет пати поголем од Пентагон во Вашингтон.
Комплексот ќе служи не само како воен штаб, туку и како интегриран цивилно-воен центар за управување со кризи, борба против сајбер закани и војување од четврта и петта генерација.
Вградени се напредни комуникациски мрежи и компјутерски систем со ВИ за анализа на големи бази на податоци и донесување одлуки.
Објектот е дел од мегапроектот за изградба на Новиот административен главен град во пустина источно од Каиро, во кој постепено треба да бидат префрлани државни институции за да се растовари главниот град со 10 милиони жители.

извор

ЏД Венс: Ни Русија ни Украина не можат да напредуваат на фронтот

6 јули 2026

Американскиот потпретседател ЏД Венс изјави дека Русите не можат да постигнат речиси ништо во офанзивните операции на фронтот, ниту пак Украинците можат со своја контраофанзива да ги ослободат окупираните територии.
„Русите плаќаат висока цена за секој квадратен километар што го освојуваат. Сега се во ситуација каде што шансите да постигнат нешто преку продолжени офанзивни операции се занемарливи и се приближуваат кон нула. Ова би можело да го создаде просторот што ни е потребен за да го донесеме ова прашање до крај“, изјави Венс во интервју за Сандеј тајмс.
Фронтот, според него, е замрзнат затоа што САД и НАТО ја охрабриле Украина да се фокусира повеќе на одбраната и на исцрпување на Русија отколку да почне скапи офанзиви за освојување на окупираните територии.
„Ако се сеќавате на летото 2023 година, главниот спор беше дали Украина треба да се обиде со голема контраофанзива. Речиси целиот западен свет, вклучувајќи го и претседателот Бајден, извршија притисок врз Украинците да почнат масовна контраофанзива, што подоцна се покажа како стратешка и тактичка катастрофа“, потсети Венс.

извор