- Една од првите казни за Русија за почетокот на војната беше гасење на речиси сите нејзини банки од СВИФТ системот за глобално плаќање. Сега ЕУ би требало да ја ревидира оваа одлука во замена за руска согласност за продолжување на договорот за извоз на украинско жито.
- Според предлогот руската Земјоделска банка ќе треба да основа подружница која ќе треба да ги обработува плаќањата поврзани со извозот на житарки, што ќе и биде дозволено да го прави преку до сега блокираниот СВИФТ.
- За луѓето што работат на преговорите, ова е „најмалку лоша опција“ за да се убеди Путин да го дозволи продолжувањето на договорот.
- На 17 јули истекува глобално важниот договор со кој се дозволува украинското жито, кое покрива голем дел од глобалната потрошувачка, да биде извезено низ цел свет.
- Турската полиција уапси 384 луѓе што со првомајските протести ја прекршиле забраната за масовни собири во Истанбул.
- Во марш кон централниот плоштад Таксим тргнале илјадници луѓе, организирани од синдикатите. Полицијата ги запрела на барикади и ги префрлала приведените луѓе во автобуси.
- Првомајските протести во Истанбул традиционално се масовни и насилни. Лани беа приведени повеќе од 200 луѓе што марширале кон Таксим. На празникот на трудот во 1977 година во судири на плоштадот загинаа 34 луѓе.
- Во Анкара и во другите големи турски градови денеска мирно протестирале илјадници луѓе. Таму масовните собири не се забранети.
- Откако пред шест недели израелските сили ја продолжија војната во Газа, тие им забранија пристап на Палестинците на 70% од територијата на енклавата, објавија Обединетите нации.
- Уште при договорот за примирјето Израел прогласи за безбедносна зона територија од 700 до 1.000 метри од границата. Тоа е околу 17% од вкупната површина на палестинската енклава.
- По прекинувањето на примирјето, безбедносната зона беше проширена, а воведена е и кај Рафах, на границата на Газа со Египет.
- Со секоја нова акција, израелските сили им наредуваат на Палестинците да се евакуираат од територија што ја прогласуваат за борбена зона. Раселени се 420.000 Палестинци, тврди Канцеларијата на ОН за координација на хуманитарни работи.
- Во војната во Газа загинаа повеќе од 52.000 Палестинци, претежно цивили. Судирите почнаа откако терористи на Хамас упаднаа на израелска територија и масакрираа повеќе од 1.200 луѓе.
