Вести › Набрзинка

Ем Заев, ем боде

14 септември 2023

„Време е по 5 години да се сменат патоказите во Грција кои водат кон држава која не постои“, советува мудриот Зоран Заев за државата која се викаше Македонија пред тој да ја одработи задачата таа да не постои.
На Дон Заев и на неговиот Санчо Панса (некаде познат и како Никола Димитров) не им текна ова прашање прецизно да го дефинираат во капитулантскиот договор во кој прецизно беа дефинирани обврските на поразенатта страна за промена на име, документи, организации, институции...
Деновиве Заев го прогласи Ципрас за свој доживотен брат иако своевремено „јако шегобијно“ ја нудеше ќерката за остров во Грција.

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.