Вести › Набрзинка

Електронско закажување не се знае кога, надзорен и управен на МЕПСО одма

30 јули 2024

Наскоро ќе бидат вратени во функција сервисите за електронско закажување и добивање документи преку порталот uslugi.gov.mk, најави министерот за дигитална трансформација Стефан Андоновски. Тој не прецизираше кога, но очекува тоа да се случи во првите 100 дена од мандатот на Владата.
„Во моментот, електронското поднесување на барање е паузирано, но веќе имавме состаноци со министерот Тошковски како да го вратиме. Не сакам да играм со рокови и со датуми, кога немам точна информација или не зависи само од мене или од моето министерство“, рекол министерот.
Ама затоа за АД МЕПСО веќе се назначени претседатели, директори и члленови на Надзорниот и Управниот одбор.

22 ноември 2024

Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****