После повеќечасовна неизвесност, иранските државни медиуми известија дека претстедателот на државата загинал откако неговиот хеликоптер се сруши во граничниот појас со Азербејџан.
Иста судбина доживеале и останатите осуммина во хеликоптерот, меѓу кои и шефот на иранската дипломатија.
И несреќата и долгата потрага по хеликоптерот и евентуалните преживеани се препишуваат на маглата и лошото време.
Високата иранска делегација се враќала од посета на Азербејџан, од отворањето на третата заедничка брана на реката Арас.
3-4 дена, вклучително и деновите на викендот, на температури од 35 степени, луѓето во Стар Дојдан беа оставени без вода.
„Водата тешко се пробива до повисоките делови...“ го пренесува Телма градоначалникот Анго Ангов. Мислиш на Килиманџаро треба да се качи водата.
На неговото последно гостување во утринската програма на Канал 5, на сите прашања (за водата, колекторот, странските донациии...) градоначалникот одговараше дека нема место за загриженост на граѓаните.
Бени Ганц и Гади Ајзенкот, центристички членови на воениот кабинет на Израел, објавија дека поднесуваат оставка од владата за вонредни ситуации на премиерот Бенјамин Нетанјаху, продлабочувајќи ги политичките превирања во земјата.
Двајцата не мислат дека војната со Хамас е готова но веруваат дека може и треба да биде паузирана барем на неколку месеци, за да се отвори простор за ослободување на заложниците и создавање услови за алтернативна власт во Газа.
„Нетанјаху дава празни ветување за тотална победа. За жал, тој е оној кој нè спречува вистински да победиме,“ вели Бени Ганц, кој 37 години бил во врвот на одбрамбените сили на Израел.