- Неколку дена не се отвораат сајтовите на e-nabavki.gov.mk и bjn.gov.mk.
- Сомнежите се дека не станува збор за обичен технички проблем, туку за сериозен хакерски напад со кој Бирото е уценето да плати во биткоини.
- Вработен во институцијата вели дека се работи за рансомвер и дека во изминатите 4-5 дена се стопирани сите јавни набавки од сите јавни институции и претпријатија. Хакерите го избришале целиот бекап и бараат откуп во биткоини за податоците во целост да бидат вратени.
- Од Бирото за јавни набавки велат дека станува збор за поголем технички проблем кој набрзо ќе биде саниран.
- Заради одбрана од руски лесни дронови, Украина поставила заштитна мрежа над патишта во вкупна должина од 1.160 километри.
- Тоа е речиси исто колку воздушната линија од Скопје до Киев.
- Државна специјална служба поставува дрвени или метални рамки покрај патиштата и преку нив распнува тешка мрежа во која се заплеткуваат квадрикоптерите и други лесни дронови. Се користат рибарски и земјоделски мрежи, како и донирани од западните сојузници.
- Во мај била поставена мрежа над патишта во должина од 210 километри, а од почетокот на годинава над 822 километри, главно во регионите близу до линијата на фронтот. Нема податоци колку дронови се „уловиле“.
- Русија лани прва почна да гради тунели од мрежа со која ги покри стратегиски важните патишта во регионот Доњецк.
- Украинскиот претседател Зеленски се сретнал со рускиот олигарх Роман Абрамович на 21 мај во Киев и преку него испратил лична порака до Владимир Путин за директни мировни преговори „во кое било време и во кој било формат“.
- Двајца високи украински функционери ја опишаа личната порака на Зеленски до Путин како слична на отвореното писмо што му го испрати подоцна, но со помалку антагонистички тон.
- Путин потврди дека ја примил пораката од „претставник на нашите деловни кругови“, но ја одбил понудата како бесмислена. „Единствената смисла на пораката е Украинците да го спречат напредувањето на нашите оружени сили“, изјави Путин.
- Абрамович посредува помеѓу Москва и Киев уште од првите недели откако почна војната во 2022 година. Бил вклучен во договарањето на преговорите во Истанбул, во договорот за извоз на украинско жито преку Црно Море и во контактите за размена на затвореници и други билатерални прашања.
- „Тој е единствениот Русин кој го толерираат. Тој се сложува со сите“, изјавил за Фајненшл тајмс извор близок до олигархот.
