- Два мистериозни дрона оперирани од непознат „способен актер“ синоќа со часови го блокирале сообраќајот на меѓународните аеродроми во Копенхаген и во Осло. Нема докази дека надлетувањата биле координирани.
- Аеродромските радари во Копенхаген регистрирале дека дека дроновите пристигнале од различни насоки. Службите за безбедност не ризикувале да ги соборат, бидејќи дроновите имале гориво и биле над населени места. Летовите продолжиле кога дроновите самите се повлекле. Не се знае од каде пристигнале и каде заминале.
- Данскиот полициски инспектор Јенс Јесперсен избегна да посочи кој ги управувал дроновите во Копенхаген, но кажа дека тоа бил „способен актер со намера да го блокира сообраќајот“. Полицијата ја истражува хипотезата дали леталата биле испратени од брод вкотвен во Оресунд или во Балтичко Море.
- „Тој што ги управувал имал капацитети, намера и средства за да се прикаже на овој начин. Можеби и да вежба. Нема начин да знаеме. Не е утврдена намера некого да повредат“, изјави Јесперсен.
- Украинскиот претседател Володимир Зеленски објави на Икс дека дроновите ги испратила Русија, но не даде никакви докази за тоа.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
