Драматичен пад на бројот на Македонци во Албанија
28 јуни 2024
- Се обистинија стравувањата на претставниците на македонската партија и здруженија во Албанија од тивката асимилација и пропагандата.
- Според извештаите на институтот за статистика ИНСТАТ, во Албанија по најновиот попис живеат повеќе Бугари од Македонци. Бројот на попишани Бугари во Албанија изнесува 7.957, додека бројот на Македонци е 2 281. На претпоследниот попис во Албанија во 2011 година биле регистрирани 5.512 Македонци.
- Припадниците на македонската заедница во Албанија изминатиот период алармираа дека се соочуваат со големи притисоци од Бугарија за време на пописот.
- Цела бугарска машинерија била впуштена во притисоци кон Македонците да се попишат како Бугари со сите методи. Главна е делење пасоши и уцена да се пишат Бугари за да добијат државјанство. Тамошните медиуми известуваа дека високи функционери од Бугарија ги посетувале регионите каде што живеат Македонците во Голо Брдо, Мала Преспа, Гора и Врбник, „нудејќи државјанства како на пазар“.
