- Големи донатори на американската Демократска партија паузирале ветени 90 милиони долари во обид да издејствуваат Бајден да ги послуша апелите да не се трка по втор пат за место во Белата куќа.
- Ова е досега најконкретен потег во таа насока после дебатниот дебакл на Бајден во првото соочување о Доналд Трамп.
- Во меѓувреме, високи кругови во партијата наголемо ги тестираат шансите на алтернативните кандидати за претседател како што се Камала Харис, Гавин Њусам од Калифорнија или Гречен Витмер од Мичиген а во игра сè уште е и Хилари Клинтон.
- Трамп ќе мора да почека за Нобел до идната година. Нобеловата награда за мир за 2025 година ѝ е доделена на Марина Корина Мачадо, лидерка на венецуелската опозиција, за „промовирање на демократските права во нејзината земја и за борбата за мирна транзиција кон демократија“.
- „Г-ѓа Мачадо ја добива Нобеловата награда за мир пред сè за нејзините напори за унапредување на демократијата во Венецуела. Но, демократијата е загрозена и на меѓународно ниво. Сфатена како право слободно да се изрази своето мислење, да се гласа и да се биде претставен во власт, таа е основа на домашниот и меѓународниот мир“, објави Норвешкиот комитет.
- Мачадо основала фондација за грижа за бездомни деца во Каракас, а потоа и организација за промоција на слободни и фер избори. Во 2010 година беше избрана за пратеничка, но режимот на Николас Мадуро ѝ го одзеде мандатот. Во 2024 година ѝ беше забрането да се кандидира на претседателските избори, на кои за победник беше прогласен Мадуро, иако опозицијата тврди дека мнозинство гласови освоил нејзиниот кандидат Едмундо Гонзалес Урутија.
- „Мачадо е принудена да живее скришно. И покрај сериозните закани по нејзиниот живот, таа остана во земјата, што инспирираше милиони луѓе. Клучно е да се препознаат храбрите бранители на слободата кои се креваат и се спротивставуваат“, објави Комитетот.
- Коментирајќи го агресивната кампања на Доналд Трамп да ја добие престижната награда, претседавачот на Норвешкиот комитет, Јерген Ватне Фриднес индиректно изјави: „Комитетот добива илјадници писма секој ден, но решава во соба полна со храброст и интегритет“.
- Полицијата во Антверпен уапсила тројца млади мажи осомничени дека планирале и подготвувале атентати врз белгискиот премиер Барт де Вевер и други политичари.
- Тројцата, на возраст од 18 до 24 години, „биле инспирирани од џихадизам“ и планирале акциите да ги извршат со домашно изработен дрон способен да носи експлозив и шрапнели, објави Обвинителството.
- При претресот на домот на еден од осомничените, неколку стотини метри од домот на Де Вевер, биле пројандени импровизирана експлозивна направа и торба со сачми. Кај вториот имало 3Д-печатач со кој требало да бидат изработени компоненти за оружјето.
- Во март 2016 година, 32 лица беа убиени при координиран напад на самоубиствени бомбаши врз аеродромот и метрото во Брисел. Одговорноста ја презеде групата Исламска држава.
