Вести › Набрзинка

Додека вие го пиевте своето утринско кафе...

4 јули 2023

На сметката на „Бехтел и Енка“ легнаа нови 53 милиони евра.
Првата транша беше на износ од 117 милиони евра а годинава очекуваат вкупно 243 милиони евра.
За 110 километри автопатишта кои треба да се изградат до 2027 година, државата ќе издвои околу 1,3 милијарди евра. Мнозинството во Собранието го изгласаа законот без да го видат договорот.

извор

Младите избегаа, Украина нема војници

12 ноември 2025

Градоначалникот на Киев, Виталиј Кличко, побара Украина да ја спушти возраста за мобилизирање затоа што сè потешко може да најде војници откако рекорден број мажи заминаа во Европа.
„Порано 18-годишници служеа во армијата, но тоа се деца. Сега се мобилизираат на возраст над 25 години. Може да се спушти границата на 22 или 23 години“, изјави Кличко.
Повеќе од 100.000 млади Украинци заминале во европските земји откако владата во август им дозволи на младите мажи на возраст од 18 до 22 години да ја напуштат земјата. Само во септември европските земји им дале привремен азил на 79.000 Украинци, рекорден број во еден месец откако почна војната.
Кличко вели дека иднината на земјата зависи од тоа дали младите ќе се вратат кога ќе заврши војната. „Би биле пресреќни ако половина од младите се вратат. Но, за тоа ни се потребни мир, работа и квалитет на животот“, изјави Кличко.

извор

Градоначалникот на Истанбул соочен со 2.340 години затвор

11 ноември 2025

Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
Целта на организацијата, според обвинителите, била преземање контрола врз Републиканската партија и собирање фондови за претседателската кампања.
Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.

извор