Вести › Набрзинка

Денот кога оглуве Цане Партибрејкерс

21 март 2024

Моите птички од студиото ми кажуваат дека и пред почетокот на емисијата било напнато - на Цане му пречело што едниот гостин дрма со ногата, другиот дека носи мартинки, Оља дека зборува тивко.... па сето тоа се пренело и на почетокот на емисијата.
Веќе истата вечер цела Србија се подели на оние кои едвај дочекаа некој да ѝ тресне врата од студиото на онаа „иритантна жена“, како и на оние на кои им е доста од ставот на Цане дека сите околу него се дегенерици од пониска класа.
Го знаеш Цане, оној бескрајно талентиран намќор и егоцентрик со манири на пубертетлија кој наполнил 60 години, оној кога Брејкерски првпат настапија во Загреб, а восхитената ТВ репортерка го праша каде се сместени, ѝ одговори: „Во Јасеновац?“

извор

Врана на врана очи не вади

20 април 2026

Судовите два пати му ја скратија казната затвор на врховниот судија осуден за мито.
Апелацискиот суд Скопје го уважил барањето на судијата Наќе Георгиев за условен отпуст и ја преиначил одлуката на Кривичниот суд.
Со оваа одлука скратена е казната затвор на поранешниот врховен судија Наќе Георгиев, кој беше осуден за примање мито. Претходно Кривичниот суд му ја намалил казната за тој да излезе од затвор во септември годинава, а по поднесената жалба Апелацискиот суд му ја скратил казната затвор за уште два месеца.
Судијата Георгиев беше фатен како зема мито од 10.000 евра од синот на поранешниот градоначалник на Ново Село Боро Стојчев. Георгиев тогаш се спогодил со Обвинителството за гонење организиран криминал и корупција за казна затвор од три години, како и забрана за вршење професија, дејност или должност на службено лице во траење од три години.
По 26 месеци во затвор, Георгиев летово ќе биде на слобода, пренесува МКД.мк.

извор

САД нападнаа и запленија ирански товарен брод

20 април 2026

Американската Воена морнарица синоќа нападна и заплени товарен брод под иранско знаме кој се обидел да ја избегне поморската блокада близу Ормускиот теснец. Ова е првото пресретнување откако почна американската блокада на иранските пристаништа минатата недела.
Трамп на социјалните мрежи објави дека откако бродот „Туска“ не запрел по предупредувањата, морнарицата истрелала проектил и направила дупка во машинското одделение, по што маринци ја презеле контролата врз бродот.

Иран ги обвини САД дека го прекршиле договорот за прекин на огнот и најави дека ќе возврати „против ова вооружено пиратство“.
Прекинот на огнот завршува задутре. Инцидентот ја зголеми загриженоста дека нема да се одржи втората рунда од иранско-американските преговори за продолжување на примирјето. Белата куќа објави дека американска делегација на чело со Стив Виткоф и Џаред Кушнер денеска ќе пристигне во Пакистан.
„Иран нема да учествува на втората рунда разговори поради прекумерните барања на Вашингтон, нереалните очекувања, постојаните промени во ставовите, противречностите и континуираната поморска блокада, која е кршење на прекинот на огнот“, објави новинската агенција ИРНА.

извор