Вести › Набрзинка

Дејв Шапел нападнат на сцена

4 мај 2022

Комичарот со хумор без пардон бил нападнат за време на настап во Холивуд Боул во ЛА.
Напаѓачот излетал од публиката, го соборил Шапел и пробал да избега но луѓе од обезбедување и обични посетители го фатиле и го исќофтале па завршил во амбулантна кола.
После нападот, на Шапел на сцена кратко му се придружил Крис Рок (кој настапувал претходно) и прашал:
- Да не беше ова Вил Смит?
Шапел го има зголемено своето обезбедување после гневните реакции на неговите јадачки за транџите.

извор

Администрација: Два кеца за црвен картон

19 октомври 2026

Собранието ги усвои измените на Законот за административни службеници со кои административците што две години по ред ќе добијат оценка „1 - не задоволува“ ќе го загубат работното место.
Освен построги правила за оценување, законските измени носат и промени во напредувањето, дисциплинската одговорност и организацијата на административната служба. Власта тврди дека целта е поефикасна, потранспарентна и попрофесионална администрација, додека опозицијата предупредува дека дел од решенијата отвораат простор за политички притисоци врз вработените.
Една од клучните новини е укинувањето на можноста за унапредување без претходно објавување интерен оглас.
Опозициската СДСМ не ги поддржале измените. „Една работа да пофалевте, да речете добро е, се исправи една работа“, рекол координаторот на пратеничката група на ВМРО ДПМНЕ Никола Мицевски.

извор

Обвинет за лажен исказ, вештак продолжил да сведочи за „Пулс“

19 октомври 2026

Вештакот Петре Русески, ангажиран од одбраната во случајот со пожарот во дискотеката „Пулс“ во Кочани, на денешното рочиште рече дека не смета дека постои основ за негово изземање, откако Обвинителството откри дека е обвинет за давање лажен исказ во друг предмет.
Рекол дека за обвинението против него 2 години немало рочиште.
Русески остана на ставот дека од градежен аспект објектот одговорил на својата намена и дека изведените зафати претставувале „градежно-занаетчиски работи“. Овој вештак го изработи градежното вештачење за одбраната на првообвинетиот Дејан Јованов и за двајца други обвинети.
Родителите на децата што ги загубија животите во пожарот во дискотеката Пулс, остро реагираа на изнесените тврдења во судницата од страна на вештакот на одбраната и на минатото рочиште. Александар Наунов, во изјава за медиумите на паузата од минатото рочиште, истакна дека “изведените градежни зафати не може да се третираат како обични занаетчиски работи со цел да се избегне одговорноста за градење без одобрение”, потенцирајќи дека судскиот процес “не е само за градежни конструкции, туку за безбедноста, одговорноста и загубените човечки животи”.

извор