Деца, учете си ја химната а ним ќе им ја пееме „ЏеНем, џеНем“
11 септември 2019
Вести › Набрзинка
Рекорден извоз на нафта од Венецуела
3 јуни 2026
- Извозот на нафта од Венецуела во мај достигна седумгодишен максимум, пет месеци откако САД го киднапираа претседателот Николас Мадуро и ја презедоа контролата врз нафтата.
- Во мај Венецуела продавала околу 1,25 милиони барели нафта дневно, што е огромен скок од 61% во споредба истиот месец лани.
- Од пристаништата испловиле 67 танкери, најмногу по 2019 година кога Трамп во првиот мандат воведе санкции за Венецуела.
- Главен увозник се САД со 558.000 барели дневно, Индија со 427.000 барели и Европа со 169.000 барели.
- По грабнувањето на Мадуро на 3 јануари, САД ја презедоа контролата врз венецуелската државна нафтена компанија PDVSA, им дозволија на западни фирми да ги продолжат своите операции и охрабрија американски компании да склучуваат договори за производство и извоз.
- Трамп неодамна се пофали дека со венецуелската нафта САД ги покриле трошоците од војната во Иран.
ЕУ на 15 јуни отвора преговори за членство на Украина и Молдавија
2 јуни 2026
- Европската Унија планира веќе кон средината на овој месец да ги отвори преговорите за прием на Украина и на Молдавија во своето членство. Двете земји аплицираа заедно и одат во „пакет“.
- Ова го овозможи владата на новиот унгарски премиер Петер Маѓар, која се откажа од долгогодишното противење на Орбан на членството на Украина во ЕУ. Сигналот за укинување на ветото го пуштиле дипломати по состанокот на експертските групи од Будимпешта и Киев посветен на правата на унгарското малцинство во Украина.
- Се очекува амбасадорите на ЕУ до крајот на оваа недела да донесат конечен став отворање на првиот кластер за Украина и Молдавија, откако Киев ќе ги претстави своите планови за реформите и за малцинствата. Потоа, на 15 јуни, членките на ЕУ официјално ќе го отворат процесот на преговори на меѓувладината конференција во Луксембург.
- Отворањето на кластерите бара едногласно одобрување од сите 27 членки на ЕУ. Секоја земја може да го блокира процесот во која било фаза, или со спротивставување на првиот кластер или на кој било од последователните чекори.
