- „Поранешниот секретар на Владата Мухамед Зеќири – Муки изгледа го напушти СДСМ и премина во ДУИ и Европскиот фронт. Обезбедени се фотографии на заеднички ифтар каде што се гледа Муки со функционери на ДУИ“, објавил информативниот портал на албански јазик „Тетова сот“.
- Во 2019 година, Мухамед Зеќири како пратеник и потпретседател на СДСМ има кажано: „ДУИ е канцерот на македонското општество! Тотално се делегитимирани и како партија се наоѓаат во слободен пад!“
- „Што повеќе и подолго ‘шуруваме’ со нив, толку поголема штета ќе трпиме како партија,“ мислеше тогаш Зеќири.
- Со првостепена пресуда тој е осуден на 2,5 години затвор, а ќе треба и да врати околу 1,1 милион евра во буџетот. Тој беше обвинет дека во својство на генерален секретар на Владата, без да спроведе јавна набавка, склучил договори за консултантски услуги во вкупна вредност од речиси еден милион евра, односно биле платени 147 илјади евра повеќе од претходно договорените 795 илјади евра.
- Суд во Цеље го ослободи поранешниот словенечки премиер Јанез Јанша од обвиненија за корупција и злоупотреба на функцијата.
- Јанша ги отфрли обвиненијата како обид да го отстранат од политиката спроти парламентарните избори во 2026 година. Лидерот на опозициската Словенечка демократска партија беше премиер три мандати.
- „Наспроти фактот дека ова е јасна фарса, победата не е целосна. Нашата борба не завршува тука“, изјави Јанша по пресудата.
- Тој беше обвинет дека во неговиот прв мандат во 2005 година ја злоупотребил функцијата при продажба на плац за да купи стан во Љубљана. Ослободени од обвиненија се и директорите на две компании што учествувале во зделката.
- Јанша во 2013 година веќе отслужи казна од две години затвор, поради примање мито од финската одбранбена компанија Патрија.
- Хрватска до крајот на годинава ќе ја постави правната рамка за темелно воено оспособување. Воениот рок ќе трае два месеци.
- Регрутите ќе имаат право на парична накнада од околу 1.100 евра месечно, покрај сместувањето и исхраната. Времето поминато во касарните ќе им се смета во работниот стаж и ќе имаат предност за вработување во јавни и државни служби.
- Се воведува и можност за цивилно служење на воениот рок. Оние што ќе се повикаат на приговор на совест, ќе имаат две опции.
- Првата е служба од три месеци во Цивилната заштита, при што ќе бидат обучени за реакција при итни ситуации, како пожар, поплава или земјотрес. Тие месечно ќе добиваат по 250 евра
- Другата опција е четири месеци физичка работа во локална самоуправа - чистење канали, косење трева и слично. Сè уште не е договорено дали тоа ќе им се смета како работен стаж.
