- Најдолготрајниот државник на светот очекува гласачите “уште малку“ да му го продолжат мандатот.
- 80 годишниот претседател на Еваторијална Гвинеја, на власт се наоѓа непрекинати 43 години и редовно освојува преку 90% од гласовите.
- Еден од двајцата негови противкандидати на овие избори, последователно губеше во изминатите пет изборни циклуси. Вториот е тазе.
- Теодоро Обланг се наоѓа на чело на државата откако власта со пуч ја зема од неговиот вујко.
- Откако во воздух им го дигнаа Северен тек (а војната во Иран дополнително ја скина катарската алтернатива за течен природен гас), ЕУ остана обврзана со минатогодишниот договор со САД од нив да го набабува овој енергенс.
- Договорот е огромен - 750 милијарди долари до 2028 година; Фон Дер го опишуваше како неопходен а Трамп како галантен бидејќи понудил повластена цена.
- По процедура, договорот дојде пред европските законодавци.
- Непосредно пред гласањето, американскиот амбасадор во ЕУ ја уцени Европа дека ако проба да смени запирка во договорот, ќе ја изгуби понудената цена.
- Европскиот парламент го изгласа договорот.
- Години наназад, според упатствата на Американската асоцијација за срце, на возрасни лица над 65 години со притисок повисок од 130 со 80, задолжително им била давана соодветна терапија.
- Веќе не. Според новите упатства, терапијата не се препишува по автоматизам туку треба да се земат во обзир и други фактори за кардиоваскуларен ризик.
- Промената се објаснува со потребата од поперсонализиран пристап кон болеста, наместо третирање со едно генерално правило.
- Со анализа на постоечките пациенти се утврдило дека на околу десет проценти од нив, според новите критериуми, не им требаат апчиња за намалување на притисокот.
