- Џорџ (62) и Амал (45) Клуни ја продаваат вилата на италијанското езеро Комо за 107 милиони долари.
- Актерот во 2002 година ја купи оваа вила која стана една од најпознатите знаменитости на Комо за 10 милиони долари. Се наоѓа на спектакуларна локација, има 25 соби, базен, теретана, кино-сала, грандиозен двор и тениско игралиште.
- Упатени тврдат дека двојката ја изгустирале вилата во Италија и дека сега омилено место за уживање им е резиденцијатa Домаин ду Канадел во Прованса, Франција, која ја купија пред две години за 8,4 милиони долари.
- Иран објави дека ја прекинува својата блокада за премин на сите комерцијални бродови преку Ормускиот теснец, откако Либан и Израел постигнаа договор за прекин на огнот.
- „Теснецот ќе биде отворен од иранска страна сè додека е на сила примирјето“, изјави министерот за надворешни работи Абас Аракчи. Тој додаде дека бродовите ќе треба да пловат по рутата што ја објави Организацијата за пристаништа и поморство на Иран.
- Соопштението на Иран ја спушти цената на нафтата на берзите за 9%.
- Доналд Трамп ја пренесе одлуката на Техеран, но забележа дека САД нема да ја повлечат својата блокада на Ормускиот проток за бродовите што пловат кон иранските пристаништа.
- „Блокадата ќе остане во полна сила сè додека нашите преговори со Иран не завршат 100%“, порача Трамп. Според него, тоа треба да се случи „набрзо“, бидејќи „веќе е постигнат договор за повеќето од точките“.
- Алтернатива за Германија (АфД) првпат има највисок рејтинг меѓу Германците, покажува нова анкета на Политбарометар спроведена во април.
- Ако изборите се одржат сега, АфД би освоила 26% од гласовите, а владејачката конзервативна унија ЦДУ-ЦСУ би освоила 25%, што е пад за 1% од март.
- Разликата е потврдена и на новите анкети на YouGov, Insa и Forsa. Според YouGov, АфД би освоила 27% од гласовите, а ЦДУ 23%. Односот во март беше 26-26.
- Само 27% од анкетираните изразиле задоволство од работењето на владата на Мерц, во споредба со 34%. Лоша оценка ѝ дале 63%.
- Прв пат по речиси четири години, поскапувањата и состојбата на платите се најчестиот проблем за Германците (25%). Следуваат економската состојба (21%), животната средина (16%), политичката состојба (12%) и имиграцијата (11%).
