Вести › Набрзинка

Чебрен пропадна: Грците не можеле да подигнат кредит од банка за да градат

3 јануари 2024

Заклучно со 31 декември не пристигнало продолжување на банкарска гаранција од избраниот понудувач кој беше избран со одлука на Влада и со самото тоа веќе не е активна понудата, а Владата на седница треба да донесе одлука за поништување на тендерот.
Гаранција за учество во постапката државата ја активира само ако понудувачот не пристапи кон потпишување на договорот за јавна набавка. Но, грчката компанија не даде никаков одговор и затоа Македонија не може да наплати оштета.
Македонски експерти на долго и широко ја објаснуваа штетноста на таквиот договор со грчката компанија (види „Како би одела отплатата на „Чебрен“ доколку самите инвестираме во нејзината изградба?“), но владините претставници грчевито ја бранеа понудата на несудените грчки партнери.
Владата сакаше со „Чебрен“ и „Тиквеш“ да „сврти“ 100 милиони евра, пишува Република.

извор

Иран гаѓаше американска база среде Индиски Океан

21 март 2026

Иран истрелал два балистички проектили кон базата Диего Гарсија во Индискиот Океан, но не ја погодил американско-британската воена база на архипелагот Чагос. Еден проектил експлодирал во воздух, а другиот бил соборен со пресретнувачка ракета од американски брод.
Диего Гарсија е оддалечен околу 4.000 километри од Иран. Тоа значи дека иранските проектили со среден дострел имаат многу поголем радиус на дејство отколку што претпоставуваа западните експерти.

САД на Диего Гарсија имаат распоредено бомбардери, кои го користеа при воените кампањи во Авганистан и во Ирак.
Британската влада синоќа потврди дека им дозволила на САД да ги користат базите Диего Гарсија и Ферфорт за „дефанзивни операции заради деградирање на иранските ракетни капацитети за напади врз бродови во Ормускиот теснец“.
Одлуката го зголемува политичкиот притисок врз премиерот Кир Стармер, кој инсистира дека Британија „не е вовлечена во војната со Иран“.

извор

САД му дозволи на Иран да продава нафта

21 март 2026

Администрацијата на Трамп ги укина санкциите за купување иранска нафта на море во период од 30 дена, во обид да ја спушти цената на нафтата на светските пазари и да ја ублажи кризата со снабдување со енергија.
Министерството за финансии објави специјална лиценца, со која до 19 април е дозволена продажба на иранска сурова нафта и деривати што веќе се натоварена на танкери на море.
САД пред неколку дена ги укинаа и санкциите за продажба на руска нафта што веќе е натоварена на танкери.
Министерот за енергетика Скот Бесент оцени дека со оваа мерка ќе бидат ослободени околу 140 милиони барели нафта на глобалниот пазар. Енергетски аналитичари сметат дека мерката нема да има значајно влијание за контрола на цените сè додека Ормускиот теснец не биде отворен за танкери и бродови.
„Ако сме стигнале до точка на олабавување на санкциите врз земјата со која сме во војна, навистина ни снемуваат опции“, оцени Брент Ериксон, директор на „Обсидијан риск адвајзорс“.

извор