- Стотици автомобили на функционери од власта и членови на Демократскиот сојуз, СДСМ и ДУИ биле ослободени од плаќање паркинг во Скопје.
- 400 возила биле пријавени на три имиња за бесплатно паркирање.
- Штетата (гледно од нивна страна: заштедата) е 2 милиона евра.
- Партијата на Павле Трајанов се брани со тоа што во Градски паркинг имало вработено многу активисти на ВМРО ДПМНЕ.
- Александар Чепиговски (34) од битолското село Ивањевци со трактор влегол директно во огнената линија за да помогне да се спаси селото Лознани во Пелагонија од синоќешниот голем пожар, во кој со изгореници беше повредено и едно лице од локалното население.
- „Да истакнам еден локален жител, храбар тракторист од село Ивањевци, Аце, кој со неговиот огромен трактор направи големо дело орајќи директно низ пожарната линија и гасејќи голем дел од пожарот кој загрозуваше еден дел од куќите во Лознани. Битката беше многу тешка“, рече директорот на Дирекцијата за заштита и спасување (ДЗС) Стојанче Ангелов.
- Пожарот во Лознани беше локализиран по повеќечасовна битка со огнот кој се закануваше да ги зафати и куќите во селото, како и да се прошири во Ивањевци и Новоселани.
- Вчера на територијата на Македонија имало 40 пожари на отворено.
- Носачот на авиони „Џорџ Вашингтон“ е на пат од Пацификот кон Блискиот Исток за да го замени „Абрахам Линколн“, чиј екипаж е исцрпен по повеќе од 250 дена поминати на море.
- Роднини на морнари од „Линколн“ и анонимни извори деновиве објавија дека имало најмалку шест обиди за самоубиство на бродот поради менталната криза од долгата мисија. Еден морнар на 3 август „паднал“ во море, но бил спасен.
- „Постојат бројни извештаи за недостиг на основни залихи, загадена вода, проблеми со водоводните и канализациските инсталации, влошено ментално здравје, загриженост за безбедноста на палубата и пречки во поштенскиот систем, поради што многу пакети за морнарите се губат во транспортот“, напиша сенаторот Ричард Блументал во протестно писмо до шефот на Пентагон, Пит Хегсет, и секретарот на Воената морнарица Хунг Цао.
- Носачот „Џорџ Вашингтон“, чија матична база е во Јапонија, изминативе недели оперираше во Јужно Кинеското Море, а неодамна неодамна помина низ теснецот Малака, движејќи се кон запад во придружба на разурнувачи. Неговото преместување ќе отвори дупка во патролите на САД покрај пацифичките бази во Источна Азија.
- „Поради војната со Иран, може да бидат потребни три години за флотата да се врати во состојба на подготвеност. Ако имате два или три носачи на секој брег на кои им е потребна поправка или одржување во различни фази, тие ќе мора да чекаат ред“, изјави поранешниот поморски офицер Брајан Кларк, аналитичар во Институтот „Хадсон“.
