Вести › Набрзинка

Буши ја купи зградата на Технометал Вардар во центарот на Скопје

24 јануари 2022

„Буши фешн“ која стои зад златари и хотелот „Буши ресорт и спа“, е новиот сопственик на некогашното седиште на Технометал Вардар.
Зградата на Технометал е изградена во 1980 и има површина од 8.000 метри квадратни. Таа е продадена како дел од стечајната постапка на Технометал и долгови кон Комерцијална банка.
Технометал Вардар е компанијата од која создаде некои од најголемите богаташи на Македонија по распадот на Југославија. Во 2019 беше отворен стечај за Технометал Вардар.

извор

Фрчкоски осомничен за проневера на 116.000 долари

13 мај 2025

Против поранешниот шеф на Постојаната мисија на Македонија при Обединетите нации во Њујорк, Љубомир Фрчкоски и уште три лица е поднесена кривична пријава за финансиски малверзации тешки над 116.000 долари.
Според пријавата, Фрчкоски постапувал спротивно на инструкциите од Министерството за надворешни работи и мислењето на Министерството за финансии, при располагање со 3,99 милиони долари од продажба на сукцесиски имот на СФРЈ во Њујорк.
Иако најголем дел од средствата биле префрлени во државниот буџет, остаток од речиси 59.000 долари останал на сметката на мисијата, а потоа бил незаконски потрошен, стои во пријавата.
„Средствата биле употребени за прекумерни репрезентации, нерегуларни трошоци за телефони, службени патувања, аванси, како и повлекување пари од касата за поправка на службено возило без дозвола од МНР“, се наведува во поднесената пријава.

извор

Васил доби 12 години затвор за Фросина

13 мај 2025

Возачот Васил Јованов, кој смртоносно ја прегази младата дизајнерка Фросина Кулакова на пешачки премин, поминувајќи на црвено светло, е осуден на 12 години затвор.
Најниската казна за делото за кое се гони Јованов е четири години, а највисоката 20 години.
Таткото на Фросина Кулакова, Тодор, револтиран од висината на казната, ја напушти судницата. „Судот е мафија!“, рече тој и излезе од салата.
Јованов во јануари без возачка дозвола под дејство на алкохол, со брзина од 90 километри на час удрил во Фросина на обележан пешачки премин. Кулакова почина на лице место.

извор