Вести › Набрзинка

Брус Ли исчезна во Мостар

3 март 2024

Статуата на Брус Ли преку ноќ исчезнала од мостарскиот парк Зрињевац.
Медиумите во моментов не се сигурни дали е украдена или дислоцирана заради некаква санација, но полицијата излезена на терен сугерира дека се работи за првото.
Статуата е поставена во 2005 година на иницијатива на мостарскиот писател Веселин Гатало и Нино Распудиќ кој сега е пратеник во хрватскиот парламент а изработена е од академскиот вајар Иван Фијолиќ.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор