- Европската комисија предупреди дека ќе блокира кредити и грантови за Белград во сума од 1,6 милијарди евра, поради спорните реформи за централизација на судството.
- Во прашање е финансиската поддршка за Србија во рамките на Планот за раст на Западен Балкан. „Овие пари содржат предуслови поврзани со владеењето на правото“, изјави Еврокомесарката за проширување Марта Кос
- Судските реформи предвидуваат ограничување на мандатот на јавните обвинители и поголеми овластувања на претседателите на судовите во однос на судиите.
- Критичари тврдат дека реформите ќе ја поткопаат независноста на судиите и ќе ги загрозат случаите на корупција на високо ниво што ги води Јавното обвинителство за организиран криминал. По реакцијата, Србија побара експертско мислење од Венецијанската комисија.
- „Откако (комисијата) ќе го објави мислењето, очекуваме овие закони да бидат соодветно ревидирани, на инклузивен начин“, изјави Кос.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
