- По наредба на обвинителство, полициски екипи утрово влегле на клиниката за Онкологија во Скопје каде вршеле претреси во канцелариите на тројца лекари од клиниката.
- Претреси биле извршени на повеќе локации во објекти на лица за кои постојат сомненија дека се дел од случајот „Онкологија“ во кој имаше проневера на лекови за болните од канцер.
- Освен екс директорот кој е лишен од слобода, поред неофицијални информации опфатени се и поранешен економски директор на клиниката како и секретарка на поранешен директор.
- Скандалот Онкологија пред десетина месеци го откри Фокус кој сега потсетува како се отплеткуваше тој случај.
- Грција од идната година ќе блокира пристап до социјалните медиуми за деца и тинејџери помлади од 15 години, објави премиерот Киријакос Мицотакис. Предлог-законот ќе биде поднесен до Парламентот во текот на летото, за да може да стапи на сила на 1 јануари 2027 година.
- „Сигурен сум дека многумина од помладите ќе ми се лутат. Да бев на ваша возраст, можеби ќе се чувствував исто. Но, зависноста предизвикана од дизајнот на некои апликации, моделот на правење профит од вашето внимание, од тоа колку време поминувате пред екранот на мобилниот телефон и одземањето дел од вашата невиност и слобода, мора во некој момент да заврши“, порача Мицотакис преку видео на ТикТок.
- Конзервативната влада на Мицотакис веќе забрани употреба на мобилни телефони во основните и средните училишта и долго време најавуваше ограничувања на социјалните медиуми.
- „Грција ќе биде меѓу првите земји што ќе преземат таква иницијатива. Но, сигурен сум дека нема да биде последна. Имаме намера да извршиме притисок врз Европската Унија во таа насока, додаде Мицотакис.
- Британија, Франција, Португалија и Шпанија, планираат слични ограничувања на младите за пристап до социјалните медиуми. Австралија беше првата земја што им забрани на лицата под 16 години да користат платформи на социјалните медиуми.
