- Високиот командант на Хезболах кого Израел ги уби во предградие на Бејрут заедно со уште 12 лица е човекот за кого Американците лани понудија наградата од седум милиони долари.
- 61 годишниот Ибрахим Акил уште од 2008 година е член на највисокото тело на Хезболах, Џихадистичкиот совет, а истовремено беше и прв човек на елитната единица Радван која брои 10.000 високообучени специјалци.
- Американци го бараа заради учество во групата која го изведе бомбашкиот напад на американската амбасада во Бејрут во 1983 година и земањето американски и германски заложници во Либан во 80-тите.
- „Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
- Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
- Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
- Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
- И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.
