- Со напад од дрон одобрен од Џо Бајден, САД во Кабул го убија Ајман ал Завахири, актуелниот лидер на Ал Каеда.
- Егзекутираниот ал Завахири отсекогаш бил сметан за идеолошки водач на терористичката организација а го презема лидерството по убиството на Осама Бин Ладен во 2011 година со кого ги имаат планирано главните напади на Ал Каеда во САД, Јемен, Кенија, Танзанија...
- 71 годишниот Египќанин бил на балкон во „безбедна“ куќа во Кабул кога од дрон кон него биле истрелани две прецизни ракети.
- Американскиот државен секретар Ентони Блинкен рече дека Талибанците го прекрижшиле договорот давајќи му прибежиште на ал Завахири а Талибанците возвратија дека неговата ликвидација е грубо кршење на меѓународните принципи.
- Поранешната државна секретарка на САД, Хилари Клинтон, изјавила пред Комитет на Конгресот дека не се сеќава дека го сретнала сексуалниот престапник Џефри Епстин и дека нема што да каже за неговите криминални активности.
- „Не знам колку пати треба да кажам дека не го познавав Џефри Епстин. Никогаш не сум била на неговиот остров и неговите домови“, изјави Хилари Клинтон на репортерите по седумчасовното сведочење зад затворени врати. Додаде дека конгресмените, меѓу другото, ја прашувале за НЛО и за теоријата на на заговор „Пицагејт“ – дека управувала со пицерија која служела како параван за синџир со детска проституција.
- Во еден од објавените документи од досието Епстин тој напишал дека „Хилари Клинтон изгледа многу поубаво во живо“. Претседателот на Комитетот, Џејмс Комер, забележа дека Епстин 17 пати ја посетил Белата куќа во двата претседателски мандати на Бил Клинтон, кога Хилари беше прва дама на САД.
- Денеска пред Комитетот треба да сведочи и Бил Клинтон. Него го има на многу фотографии заедно со Епстин и со девојки на неговите имоти.
- „Клинтонови не одговорија на многу прашања за Епстин. Во овој момент никој не ги обвинува Клинтонови за какво било кривично дело. Тие ќе имаат соодветна постапка. Но, имаме многу прашања, а целта на истрагата е да се обидеме да разбереме многу работи за Епстин“, изјави Комер.
- Пакистански авиони бомбардираа цели во Кабул, Кандахар и други градови во соседен Авганистан, по неколкудневни престрелки на границата.
- „Нашето трпение се прелеа. Сега е отворена војна“, објави министерот за одбрана Хаваџа Мохамад Асиф.
- Покрај бомбардирањето, Пакистан извршил и артилериски и воздушни напади врз талибански позиции, штабови и складишта за муниција во повеќе сектори долж границата од 2.600 километри.
- Исламабад тврди дека во првичниот бран напади биле убиени 133 авганистански војници и повеќе од 200 биле ранети. Талибанците тврдат дека убиле десетици пакистански војници.
- Властите во Исламабад ги обвинуваат талибанците дека им даваат засолниште на милитантни групи што спроведуваат напади врз Пакистан и потоа се повлекуваат во Авганистан. Талибанците го отфрлаат обвинувањето.
