- Новоформирата Напред (Forward) се надева дека ќе ја размрда двопартиската политичка сцена во САД потпирајќи се на анкета на Галуп по која две третини од Американците веруваат дека на земјата ѝ е потребна силна трета партија.
- Напред е составена од поранешни функционери на Демократската и на Републиканската партија и планираат да станат опција за гласање во сите 50 држави до 2024 година, на време за претседателските и конгресните избори.
- Политичката платформа уште не им е избистрена па се потпираат на слогани: „Како ќе ги решиме американските проблеми? Не лево, не десно, туку напред.“
- Иран истрелал два балистички проектили кон базата Диего Гарсија во Индискиот Океан, но не ја погодил американско-британската воена база на архипелагот Чагос. Еден проектил експлодирал во воздух, а другиот бил соборен со пресретнувачка ракета од американски брод.
- Диего Гарсија е оддалечен околу 4.000 километри од Иран. Тоа значи дека иранските проектили со среден дострел имаат многу поголем радиус на дејство отколку што претпоставуваа западните експерти.
- САД на Диего Гарсија имаат распоредено бомбардери, кои го користеа при воените кампањи во Авганистан и во Ирак.
- Британската влада синоќа потврди дека им дозволила на САД да ги користат базите Диего Гарсија и Ферфорт за „дефанзивни операции заради деградирање на иранските ракетни капацитети за напади врз бродови во Ормускиот теснец“.
- Одлуката го зголемува политичкиот притисок врз премиерот Кир Стармер, кој инсистира дека Британија „не е вовлечена во војната со Иран“.
- Администрацијата на Трамп ги укина санкциите за купување иранска нафта на море во период од 30 дена, во обид да ја спушти цената на нафтата на светските пазари и да ја ублажи кризата со снабдување со енергија.
- Министерството за финансии објави специјална лиценца, со која до 19 април е дозволена продажба на иранска сурова нафта и деривати што веќе се натоварена на танкери на море.
- САД пред неколку дена ги укинаа и санкциите за продажба на руска нафта што веќе е натоварена на танкери.
- Министерот за енергетика Скот Бесент оцени дека со оваа мерка ќе бидат ослободени околу 140 милиони барели нафта на глобалниот пазар. Енергетски аналитичари сметат дека мерката нема да има значајно влијание за контрола на цените сè додека Ормускиот теснец не биде отворен за танкери и бродови.
- „Ако сме стигнале до точка на олабавување на санкциите врз земјата со која сме во војна, навистина ни снемуваат опции“, оцени Брент Ериксон, директор на „Обсидијан риск адвајзорс“.
