Вести › Набрзинка

Косовска опозиција: Им го правиме на Србите она што Милошевиќ нам ни го правеше

11 ноември 2022

Претседателот на Социјалдемократската партија на Косово, Дардан Молиќај, ја предупреди косовската влада дека може да „излизга кон фашистички позиции“ забележувајќи дека таа се однесува кон Србите како што Милошевиќ се однесуваше кон Албанците во 90-тите.
Опозиционерот смета дека премиерот Албин Курти погрешно ја проценил играта со реципроцитетот, што на Србите им даде шанса да покажат дека тие го контролираат северот на Косово.
Молиќај цени дека проблемот на Косово може да се реши само со политички договор, а не со демонстрација на сила на Косово или Србија.

8 мај 2025

Бел чад се појави од оџакот над Систинската капела во Ватикан, што е знак дека кардиналите на конклавата избрале нов поглавар на Католичката црква.
Верниците на плоштадот Свети Петар со овации го поздравија сигналот, иако никој освен кардиналите не знаат кој е новиот папа.
Тој наскоро ќе се појави на балконот спроти плоштадот за да ги благослави верниците и да објави кое име ќе го носи како папа.
Новиот папа е избран на четвртото гласање на конклавата. На вториот ден беа избрани и претходните - Франциско и Бенедикт.

8 мај 2025

Кинескиот претседател Си Џинпинг и рускиот Владимир Путин објавија дека нивните земји треба да бидат „челични пријатели“, да ја засилат соработката и решително да се спротивстават на влијанието на САД.
Во долго соопштение по средбата во Кремљ, Си и Путин најавија продлабочување на односите во сите сфери, вклучувајќи ги и воените.
Си утре ќе биде меѓу државниците што од почесната ложа на Црвениот плоштад ќе ја следат воената парада по повод Денот на победата над фашизмот.
Спроти парадата Путин прогласи тридневно примирје во војната во Украина. Киев не го прифати примирјето, но денеска немало напади со дронови врз Москва, како во претходните три дена.