- Агенцијата задолжена за кибернетска безбедност на инфраструктурата на САД (CISA) ги оставила своите најчувствителни дигитални лозинки видливи за јавност на интернет во период од шест месеци.
- Надворешен изведувач ангажиран од CISA ја користел јавно достапната платформа GitHub за да добие пристап до датотеките од друга локација.
- Папката впечатливо означена „приватно CISA“ содржела административни лозинки за сервери и акредитиви на најавување во внатрешни системи. Во еден документ биле наведени сите кориснички имиња и лозинки во табела. Папката била креирана во ноември и не била повлечена до почетокот на мај.
- „Ова е најлошото протекување на информации што сум го видел во мојата кариера. Отворениот пристап им овозможувал на хакерите да се пробијат во најбезбедните системи на агенцијата за безбедност“, изјави Гијом Валадон, истражувач за безбедност кој го открил протекувањето и ја предупредил агенцијата.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
