- Западот почна да размислува за начини како да се смири со руските олигарсите и да им дозволи да си платат за да им бидат укинати санкциите.
- Неофицијалните рамки на планот се олигарсите да се откажат од дел од замрзнатиот имот и пари во странство, и тие средства да се искористат за помош на Украина. За возврат да им бидат кренати санкциите на остатокот од имотот.
- Дополнителна вредност од ова би било што на тој начин олигарсите најочигледно ќе се дистанцираат од Путин.
- Предлогот доаѓа од канадската министерка за финансии, Кристија Фриланд, која за ова разговарала со дел од санкционираните руски милијардери.
- Фриланд има познанства со олигарсите од времето кога работи како новинарка во Москва.
- Израелскиот министер за финансии Безалел Смотрич најави изградба на нова населба со 3.401 дом за еврејски доселеници, која практично ќе ја отсече врската помеѓу палестинските територии Источен Ерусалим и Западен Брег.
- Палестинската управа го осуди планот како нелегален, со цел да се фрагментира територијата на Палестинците и да се спречат нивните долгогодишни напори да воспостават своја држава.
- „На сите во светот што сакаат да ја признаат Палестина, ова е нашиот одговор на терен. Не со документи, одлуки или соопштенија, туку со цврсти факти. Со куќи, со населби“, изјави Смотрич во Маале Адумим, локацијата на која ќе биде изградена населбата Е1.
- Конструкцијата на Е1 почна во 2012 година и беше обновена во 2020 година, но беше запрена по инсистирање од САД и европските земји, кои ја оценија како закана за каков било мировен договор со Палестинците.
- Денес реагираше само група за човекови права на поранешни израелски војници: „Грабањето земја и проширувањето на населбите не само што ќе ја фрагментира палестинската територија, туку и ќе го утврди апартхејдот“.
- Првата дама на САД се закани дека ќе бара отштета од 1 милијарда долари од Хантер Бајден, поради неговото тврдење дека педофилот Џефри Епстин му ја „наместил“ на Доналд Трамп.
- „Епстин ја запозна Меланија со Трамп. Врските се широки и длабоки“, изјави синот на поранешниот американски претседател во интервју за Ендрју Калахан. Хантер Бајден се повика на новинарот Мајкл Волф, автор на критичка биографија на претседателот.
- Овие тврдења се лажни, омаловажувачки, клеветнички и потпалувачки, објавија адвокатите на Меланија Трамп. Таа во писмо побарала од синот на поранешниот претседател јавно да ѝ се извини. Ако не, ќе го тужи и ќе бара отштета од повеќе од 1 милијарда долари поради „големата финансиска и репутациска штета што ѝ е предизвикана од лажното тврдење.
- Словенечката манекенка Меланија Кнавс се запознала со Доналд Трамп на забава во 1998 година. Тој веќе живеел одвоено од својата втора сопруга Марла Мејплс, со која се разведе во 1999 година. Во брак се од 2005 година и имаат еден син - Барон Трамп.
