Вести › Набрзинка

26 земји бараат итен крај на војната во Газа

21 јули 2025

Шефовите на дипломатиите на 26 земји од светот во заедничко отворено писмо повикаа на итен крај на војната во Газа.
„Заедно испраќаме едноставна и итна порака: Војната во Газа мора да запре веднаш. Страдањата на цивилите во Газа достигна нови длабочини. Израелскиот модел на доставување помош е опасен, подгрева нестабилност и им го одзема човечкото достоинство на луѓето од Газа. Го осудуваме доставувањето помош „на лажичка“ и нехуманото убиство на цивили, вклучувајќи и деца, што сакаат да ги задоволат своите најосновни потреби за вода и храна“, наведуваат министрите.
Овие 26 земји изразуваат подготвеност за преземање акција за поддршка на итен прекин на огнот и „отворање политички пат за безбедност и мир на Израелците, Палестинците и целиот регион“.
Писмото го потпишаа министрите за надворешни работи на Австралија, Австрија, Белгија, Канада, Данска Естонија, Финска, Франција, Исланд, Ирска, Италија, Јапонија, Летонија, Литванија, Луксембург, Холандија, Нов Зеланд, Норвешка, Полска, Португалија, Словенија, Шпанија, Шведска, Швајцарија, Британија, плус еврокомесарот за кризен менаџмент.

@BBC4tech
Here are the children of Gaza eating garbage because of the Zionist siege supported by the American administration pic.twitter.com/Mk3P5MsI8x
— yahya (@yahya26516640) July 21, 2025

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор