Стек сендвич

Порции

4 лица

Состојки

• 20гр. путер
• 2 главици громид, крупно исецкан
• 1 лажица кафеав шеќер
• 1 лажица оцет балсамико
• 2 говедски стека (околу 500гр.)
• 8 парчиња леб
• 2 печени кисели пиперки од тегла, крупно сецкани
• 40гр. рукола
• пржени или печени компири како прилог

Мајонез од пипер

• 1 жолчка од јајце
• 1 чешне лук, ситно сецкан
• 1 лажица сок од лимон
• 1 лажица доматен сос
• 1 лажичка сенф
• 1 лажичка црвен пипер
• 125мл. масло

Подготовка

За да го приготвите мајонезот во блендер изматете ги жолчката, лук, сок од лимон, доматен сос, сенф и пипер. Кога ќе се измати смесата постепено додавајте го маслото и непрекинато матете ја смесата. Зачинете со сол и бибер по вкус.
Растопете го путерот во голема тава на среден оган. Пржете го кромидот околу 10 минути додека да омекне. Додадете шеќер и оцет балсамико и гответе со мешање уште 5 минути за да се карамелизира кромидот. Потоа префрлете го во чинија.
Со остар нож расечете ги стековите по должина за да добиете 4 тенки парчиња. Загрејте електрична скара на најсилно. Зачинете ги стековите со сол и бибер и печете ги на скарата од двете страни. Печете ги по околу 5-6 минути од секоја страна или додека да се испечат по ваш вкус. Префрлете ги во чиниија и покријте ги со алуминиумска фолија. Оставете ги да одстојат 5 минути.
Ставете ги парчињата леб на скарата за да се потпечат. Наредете по едно парче печен леб во чиниите за сервирање. Премачкајте ги со мајонез. Додадете стек, карамелизиран кромид, сецкана пиперка и рукола. Преклопете ги со по едно парче леб за да добиете сендвичи.
По желба послужете ги сендвичите со пржени или печени компири.
На здравје!