Време на подготовка:
15 мин.
Време на готвење:
25 мин.
Вкупно време:
40 мин.
Порции
2 лица
Состојки
- 350 гр. пилешки гради
- 50 гр. кикирики без лушпа
- 1 луто пиперче
- 2 помали главици праз
- 2 лажички густин
- 3 лажици соја сос
- 2 чешниња лук
- ½ дл. бело вино
- малку ѓумбир (свеж или во прав)
- црвен пипер
- сол
- кари по желба
Подготовка
Пилешкото месо исечете го на ленти.
Зачинете го со малку црвен пипер и лажиче густин и измешајте го.
Кикириките очистете ги од лушпите и пропржете ги малку во тава со една лажичка масло. Важно е да користите тава која нема да лепи за да не ви загорат (пример вок тава). Извадете ги кикириките од тавата. Потоа во истото масло додадете го пилешкото месо и пржете го некоја минута. На пилешкото додадете го исецканиот праз и ситно сецканото луто пиперче и продолжете со пржење. по неколку минути вратете ги кикириките во тавата и додадете го остатокот од густинот измешан во ½ дл. вода.
На крај додадете ги сецканиот лук, соја сосот виното и зачинете со ѓумбир и сол. Ако сакате можете да додадете и малку кари.
Оставете го јадењето да се готви на тивок оган десетина минути. Ако ви изгледа дека е премногу густо можете да додадете филџан вода.
Пријатен апетит!
